【星和无线电视大奖】王浩信扮盲侠夺视帝 《踩过界》成为大赢家
撰文： 李妍桦
出版：更新：
由TVB同新加坡嘅StarHub TV合办嘅《星和无线电视大奖》嚟到尾声，最令大家期待嘅莫过于最佳男主角同女主角奖，男主角最后5强分别有陈展鹏、王浩信、萧正楠、张兆辉同苗侨伟，净系睇牌面已经知系陈展鹏同王浩信之争，虽然展鹏连续拎过3年，但大台依家蜀中无大将，颁畀佢都唔出奇。而近年力捧嘅王浩信，大台力谷佢一年两套重头剧《不懂撒娇的女人》同《踩过界》，几乎差唔多系将个奖喂到佢嘴边咁款，所以王浩信拎男主角奖呼声相当高！
终于开估喇！原来系《踩过界》成为大赢家，由王浩信同李佳芯包办晒视帝视后，相信大家都跌晒眼镜，其实未开跑之前王浩信都赢咗9成，争在系边套剧拎嘅啫，今次先拔头筹拎视帝，睇嚟之后嘅万千星辉颁奖典礼都系佢嘅囊中物！王浩信由2008年第一套剧《野蛮奶奶大战戈师奶》做配角，挨足9年终于拎视帝，相信老婆Yoyo好戥佢开心。