【星和无线电视大奖】开始喇 “TVB最佳新人”谢东闵汤洛雯得奖
撰文： 黄梓恒
出版：更新：
《星和无线电视大奖2017》终于开始喇，今次第一个奖项系“TVB最佳新人”，分别由谢东闵和汤洛雯得奖。谢东闵表示今次系自己第一次真正拎奖，之前剩系打机先拎到，今次终于可以拎个人奖喇，仲觉得自己今年掂呀！至于靓汤拎完奖表示仲有少少紧张，因为第一个奖就系自己，真系有机会拎奖实在太开心。两位都表示第一次拎奖，亦是今次颁奖礼第一个上台拎奖的人，所以真系特别紧张。
谢东闵2010年入行，其实公司一直都好钖佢，好多时都有男配角俾佢做，虽然今次呢个奖嚟得迟，不过都总好过无。至于汤洛雯作为汤镇业姪女，2013年是港姐冠军的热门人选，可惜六强止步。不过第一套剧《爱·回家》里饰演“李思思”就成功为人注意，今年几套剧包括《与谍同谋》、《心理追凶 Mind Hunter》、《同盟》和《灿烂的外母》都演得十分好，今次拎奖可谓实至名归。