【星和无线电视大奖】李佳芯夺我最爱TVB女主角　爆冷赢胡定欣

《星和无线电视大奖2017》最后终于去到最尾喇，李佳芯(Ali)竟然爆冷称后，夺得“我最爱TVB女主角”。要知道在《踩过界》中，同剧的蔡思贝和朱千雪比她更有回响，估唔到咁嘅情况下都俾Ali突围而出，仲撼赢气势大好的胡定欣，唔怪得咁多观众都大跌眼镜。在接受后台访问时她说：“一开头仲以为系颁错奖，到而家我仲系未接受到呢个事实，但系见到每一个《踩过界》嘅同事拎奖，我仲喊得劲过自己拎，因为睇住大家由同事变为好朋友，所以真系好感动。”

不过其实都唔需要觉得太过唔公平，始终Ali今年的演技的确大有进步，而且不时被网民封为女神，又赞佢好女朋友，又赞佢靓，的确得到不少民心。在今年的两套剧中，《与谍同谋》和《踩过界》都十分惹人注目，在上年更加获得《万千星辉颁奖典礼2016》飞跃进步女艺员，可见TVB十分宠爱兼看重她，今次在星和夺得视后，难道意味今年年尾的万千星辉颁奖礼会再下一城？因为她还有一套《夸世代》做女主角，绝对唔系无可能。