【星和电视大奖】黄心颖张振朗夺配角奖　心颖bb爆喊:无谂过有奖

《星和无线电视大奖2017》话咁快已经接近尾声，一堆综艺节目奖亦已经揭盅，洪永城主持的《退休地图》获颁“我最爱TVB资讯节目”，袁伟豪及杨明主持的《打工挨世界II》获颁“我最爱TVB综艺节目”，Maria Cordero（肥妈）及陆浩明夺得“我最爱TVB综艺节目主持人”，而歌曲奖则由菊梓乔的“忘记我自己”获观众投票成为“我最爱TVB电视剧集歌曲”。

至于比较重头戏，黄心颖凭《与谍同谋》获得“我最爱TVB女配角”奖项，她表示：“自己无谂过会有奖拎，一直都觉得自己无可能会上台，原来我真系会care，所以真系好开心呀，一宣布𠮶刻立即就喊。觉得好似五年以来嘅嘢好快喺我脑海飞过，多谢咁多人支持我同相信我，系咁喊可能系我一直以来嘅情绪，因为我唔识去表达自己，今次真系好多谢公司俾呢个奖励自己。”

而“我最爱TVB男配角”一奖则由张振朗以《踩过界》勇夺，振朗一上台就系咁喊，在接受访问时说到：“我对眼真系肿晒，未上台𠮶阵王浩信、朱千雪同蔡思贝已经同我握晒手，我话唔好喇我已经忍唔住，再嗌我真系崩溃喇。其实上到台我已经开始定返，但系一讲嘢又忍唔住，不过见到好多人喺度笑紧，其实都几好笑，因为我将自己最真实𠮶一面呈现咗出嚟。其实𠮶一吓脑中真系一片空白，啲人话我讲咗好多嘢，其实我都唔知点解，最后要多谢返我屋企人！唔会咁快谂第二个奖喇，呢个可以揽住过廿年。”