直播灵接触｜樊亦敏爆友人险堕性交转运骗局惊险过程：注入阳气

由梁思浩、黄紫恩（Jojo）及黄耀英主持，TVB Plus（82台）《直播灵接触》节目，昨晚（3日）播出的第十三集主题是“因果报应”，并邀得“三太”樊亦敏（Amy）担任嘉宾。原来Amy除了是“入道弟子”，亦是“乩童”，曾参与不少扶乩仪式，并主要负责抄写乩文。

Amy在节目中展示了曾收过的乩文，思浩一看便指出其中一份乩文揭示了“疫情”相关信息。Amy还分享了不少参与扶乩仪式的亲身经历，笑言为了迎合接收乩文者，曾目击祖师以文言文及英文出乩文，亦试过遭祖师训话。除了扶乩见闻，Amy还分享了不少灵异经历；Amy透露她身边不时出现“朋友仔”，他们更很乐意帮她“熄电视”或“熄灯”：“𠮶晚我喺酒店睇你（思浩）食火𠮶集，睇睇吓突然全间房嘅灯熄晒，电视机冇熄到，原来系好多朋友仔一齐睇紧。其实我喺自己屋企都试过，有次我讲紧电话、睇紧个节目，我就话如果我唔使行埋去熄电视就好喇，点知3秒就熄咗个电视，然后我话我未睇完，你可唔可以开番呢？佢就自己开番。”

之后Amy又分享了已离世朋友报梦道别的故事。Amy说：“我唔系第一次梦到呢啲事情，𠮶日我梦见一个老人家同后生仔，师傅话佢哋系嚟睇吓我同我讲再见。𠮶位老先生，佢走（离世）时我有出份力，但反而后生𠮶个，我谂嚟谂去谂唔到系边个。”之后Amy终于想起该名后生仔是曾在另一家公司拍剧时合作过的，并谓最后在另一名曾在该公司工作的前同事帮忙下，找回与该名后生仔的相关记忆。“我哋合作得好愉快，但突然间个男仔冇再出现，原来佢脑Cancer走咗。”

人脉广博的Amy，还分享一则来自世叔伯身边朋友、与动物灵有关的灵异经历：“有位Uncle A ，佢本身高大靓仔，事业都算有成，但有日打牌发现佢个样好暗灰，佢就话自己睇极医生都睇唔好，个身好痕好痕、啲皮肤𢱑完会有一挞挞黑色嘢。跟住佢开始消瘦，皮肤开始烂同流脓，后期仲差到甩指甲同完全瞓唔到，因为郁一郁都好痛。”Amy续指Uncle A后来经师傅指点，揭发其年轻及上一世曾残杀不少生灵，故今世被怨灵缠著，化解方法除了诚心忏悔，还必须找来前世被他杀过的人求得原谅：“师傅话佢后面好多唔同嘅灵魂，包括执念好重嘅动物灵，要道化好难，有啲已经成妖。至于前世残杀过嘅人，首先要睇吓佢哋会唔会原谅佢；好神奇地，呢个人原本所在地条村嘅师傅，揾番到晒呢啲人今生转生咗叫咩名，当中有啲人肯和解，有啲话唔会原谅，因为觉得冇必要。”

见闻多多的Amy，还分享了一名女性朋友险些误堕“性交转运”骗局的惊险过程。“我有个朋友流产、情绪好低落。有朋友就介绍咗啲师傅佢识，师傅话佢前世做咗有啲嘢唔好，所以同子女无缘。”Amy续指该名师傅吩咐其友人私下独自找他作法，作法前更向其友人说：“其实你个样都生得几靓，你咁后生都仲有机会（再生B）嘅 …你身体太多阴气、要驱走，我系师傅好多正能量，我有个独门方法可以向你注入阳气。”Amy指师傅一说完便行近其女友人身边并著她坐好，幸好友人老公于千钧一发之际疯狂拍门阻止事件。Amy语重心长说：“大家情绪忧伤时真系要警惕，睇清楚个师傅系咪真系可以信赖。” 思浩闻言亦和应：“过往廿年我都揭发咗唔少神棍，其实好多方法都可以转运。”Amy接著说：“种善恩得善果、令自己正能量多啲都系一个方法。”