单文柔拎Hermès遭网民轰贪钱 陈展鹏得啖笑：其实我系富豪私生仔
撰文： 吴子生
出版：更新：
陈展鹏今晚（1/6）现身将军澳电视城出席《万众同心公益金》节目直播。提到日前有网民在小红书分享与他们两公婆的合照 ，但老婆单文柔却惨遭网民留言狠批贪钱，指她手上拎住Hermès Birkin Bag，珠光宝气，恍如贵妇出场：“佢老婆终于都有贪钱嘅一面呀，从普通包包孭到爱马仕。”但亦有网民留言反驳：“咁如果佢贪钱都唔会嫁畀佢啰”、“老公锡老婆啫！”
陈展鹏接受《香港01》访问时笑说：“其实佢嫁得畀我，咁佢算唔算贪钱，唔通大家知我背景？其实我系富豪嘅私生仔嚟。不过睇到呢啲新闻都得啖笑啦，都开心嘅。咁其实有边个女仔唔钟意包包，咁我太太佢都钟意嘅，自己都有储嘅，例如纸袋环保袋，只要靓佢都钟意储，而佢之前喺英国嘅时候读手袋设计，变咗唔关牌子及价值嘅问题事。（个袋你送？）其实个袋系好耐之前送畀佢，佢肯嫁畀我，我梗系要落订先啦。不过最紧要系咩场合做返咩嘅嘢，因为𠮶日系一个古董展，有好多价值连城嘅文物，变咗我哋都系着得端庄稳重啲。”