东张何伯忘年恋成热话　森美投诉老婆冇煲汤：你睇何太几好

森美今晚（1/6）现身将军澳电视城出席《万众同心公益金》节目直播。对于何伯何太忘年恋近期成了全城热话，森美接受《香港01》访问时表示：“其实而家最重要就系何太系咪真心。以佢哋而家嘅状态最好去到5年，如果何太仲喺度，就起码有一半真心。如果再去多5年，咁啲仔女就唔使担心。”

森美续说：“其实睇到单新闻，系戥何伯开心。因为一个老人家，有一个后生女喺佢年纪当中，有人锡佢同照顾佢，若然系真嘅话，咁当然系假嘅话呢个都系佢自己嘅选择。因为冇人话喺恋爱当中一定会揾到一个好好嘅人，咁所以揾到渣男同渣女绝对系唔出奇嘅。（你多唔多去街市买𩠌？）我而家开始要去街市买𩠌。（惊唔惊有人煲汤畀你饮？）我不知几钟意饮汤。我都有同我老婆讲，你睇何太几好，你应该做多少少，我仲同佢讲，我成副身家都系你度，都仲未有汤饮，可唔可以捽吓大髀仔，佢即刻反我白眼，哈哈！”