黎姿密会乐小姐否认复出拍剧：我觉得呢样嘢就随缘

黎姿（现名马黎珈而）今日（3/6）现身金钟出席“World Elite for the World’s Elite”活动。提到早前TVB高层乐易玲于社交平台分享与她的聚会合照，惹网民无限遐想，期待她复出拍剧。黎姿接受《香港01》访问时表示：“其实我冇谂过复出拍剧，我觉得呢样嘢就随缘，因为无论工作又或者凑小朋友啲时间，都已经排得密密麻麻，咁变咗到时先算啦。（乐小姐有冇叫你客串玩吓？）其他演艺嘅朋友就有叫我出嚟客串吓。”

被问到无线假若开拍“美容女王”新剧会否考虑？黎姿笑言：“我谂我真系要睇个剧本同埋啲时间。（有冇戏瘾？）咁我当然好钟意演戏，同好怀念演戏同昔日嘅拍挡，因为大家工作嘅时候好开心。但而家工作上同生活上都系好忙好忙。明白到拍一套剧，系要用好多时间同心机去演一个角色，变咗当我全心全意去演好一个角色嘅时候，我就会怕忽略咗我原有嘅工作及家庭上嘅嘢。”