【专访】有转变代表有生机 何韵诗：好怕大家话我牺牲咗好多
何韵诗，一个大家都不陌生的名字，由舞台走到街头，都会找到她的足迹。这几年的转变与经历，转化为歌曲《极夜后》的讯息，留待大家细味。或许你也觉得，何韵诗仍在摸黑寻找出路，回望当年的“转捩点”，她坦言：“我越嚟越怕大家讲‘你真系牺牲咗好多呀’，我谂我所谓嘅牺牲真系好细。”
摄影：黄国立
唔想俾人“大到”所以亲自填《极夜后》
新歌《极夜后》是何韵诗首次负责填词部份，对乐迷来说是一大惊喜，对她本人而言是突破了心理关口：“我份人唔大得㗎嘛！哈哈！但系Mike就‘大我’点解唔填埋词呢？始终相隔咁多年冇做专辑，都希望揾一啲新鲜感俾自己，由自己角度去讲自已感觉更完整。”
她续说：“份词好‘我’，都未试过咁贴近我本人。虽然有啲歌迷话，好似冇一句鲜明嘅‘金句’，因为我本身就唔系一个‘金句ish’嘅人。但我又唔系好介意，金句就系好industry standard，我哋追求嘅系另一样嘢。”
Mike Orange身为歌曲监制，兼令何韵诗执笔填词的幕后推手，他又如何评价这份作品？他说：“做创作好多时，如果要追求industry standard系一个做法，但今次系想揾番多啲自己嘅真挚、由衷。有啲字脱离咗我哋某种平时喺歌词见到嘅修辞，反而会更加入心，因为好直接地去写，我都好期待下一份！”
大家太习惯揾“标准”，其实唔需要
大部份人听歌都会有一个惯性，试图解读歌词以找到最切合原作者心意的答案。不过，何韵诗与Mike都觉得，每一次创作，越能诱发到大家想像，才是创作的灵魂。何韵诗说：“可能呢个地方惯咗揾一件事嘅标准，其实系唔需要㗎，你(听众)觉得系咁就系咁样。”
她续说：“有位朋友听完后觉得，个感觉好似系追逐紧一样嘢，虽然系未去到，但你知道系可以去到嘅；个答案系会有，只系未出现，呢个就系好精准地讲到我哋想讲嘅嘢。”
当容易嘅方法落咗闸，咁咪“揼石仔”啰
面对工作机会减少，演艺事业发展阻碍重重，不少乐迷都会替何韵诗担心，到底点揾食呢？但她却笑言：“我都好易养嘅其实，又唔使餐餐大鱼大肉嘅。当好多容易嘅方法落咗闸，咁咪揾啲‘揼石仔’嘅方法去做啰，都OK㗎！当然你唔会下下买几栋楼，几亿几亿咁啦，但系基本生活系冇问题嘅！”
甚至有乐迷觉得她牺牲很大，不过她却害怕了这说法：“我越嚟越怕大家讲‘你真系牺牲咗好多呀’，我谂我𠮶个所谓嘅‘牺牲’真系好细。”
旁人视此为“牺牲”，阿诗却视为“生机”：“某程度上，对我嚟讲系工作上另一个生机。如果冇发生咁多嘢，作为一个入行近20年嘅歌手，好易陷入一个舒适嘅状态，习惯咗就唔会追求进步，因为好人好姐唔会想攞苦嚟辛。正正因为发生好多转变嘅时候，令我一定要进化，冇得再用以前𠮶套。”
“既然唔可以望番转头，唔可以原地踏步，咁咪向前行啰，呢个系我好感恩嘅地方。”