坚持重型风格做自己　乐队DeepInside：要做商业就唔夹Band啦

撰文： 黄浩晋
出版：更新：

本地重型乐队DeepInsideis成军六年，经历几次成员变动，沉寂两年后直到新主音Karl加入，推出新歌 《Awakening》，并于6月23日举行同名音乐会，用行动向乐迷宣布重新出发。
摄影：黄国立

大家听新歌《Awakening》 Band房Live热个身先啦！
以下场口就系“There is no spoon”的由来，话唔定帮到大家更明白《Awakening》

DeepInside觉醒？ 
DeepInside新歌《Awakening》照字面解是“觉醒”，而歌词第一句“There is no spoon in your hand”是引用电影《The Matrix》的经典场口，到底这首“复出”头炮主打到底隐含甚么意思？主音Karl解释：“虽然呢个场口睇落好玄好难明，但系好值得大家去深思，同时我都想渗透呢个概念喺歌曲入面。生活有时会有无力感，虽然冇得改变现实，但唔好停止质疑外界，对周遭事物发问嘅心态。”

后排左起：Bass手Jason、结他手Ting、 前排左起：主音Karl、鼓手Howie、结他手Kit

新主音加入令DeepInside更似一队Band
上文提到DeepInside经历过主音更替，那Karl会否担心乐迷将他与前主音比较，其他成员对现时阵容有何感觉？结他手Kit说：“依家个更加似一队Band，因为以前可能几个月先夹到一次Band，但依家好唔同。”Karl表示：“其实比较就预咗，但唔会谂太多。反而此更多时pick up音乐方面嘅事情，同埋吸收更多录音经验。

鼓手Howie表示Karl的加入感觉更同声同气，夹广东话歌“醒神啲”。(黄国立摄)

DeepInside终于有广东话歌
心水清的乐迷都清楚，以往DeepInside只得英文或普通话歌词，Karl的加入令大家终于有机会听到广东话歌词。他亦表示用母语填词更挥挥洒自如：“感觉随心所欲好，更加容易同乐迷沟通。以前我写英文词，无论几用心，或者几求其都冇咩feed back，所以一定要广东话先可以狠狠地击中听众。”鼓手Howie说：“我哋自己夹band听到广东话都会爽啲，虽然英文都可以跟住唱，但始终于母语到肉好多！”

结他手Kit可谓乐队的创作大脑，大部份作品都是由他制作Demo，继而让其他成员在这根基上发挥。(黄国立摄)

要做商业嘢就唔夹Band啦！
相信大家都听过身边人说“我年纪大，唔再听恒嘢㗎喇”，DeepInside亦眼见每次演出熟悉的面孔逐渐减少。既然乐迷口味会改变，又有何原因令他们一直坚持重型曲风？Bass手Jason说：“就系因为钟意，我哋又唔系要‘捞嘢’，又唔系要做商业；如果系要商业就晨早熄咗个‘拆声’，或者甚至唔夹Band啦！”

新主音Karl表示用广东话填词方可以击中听众的心。(黄国立摄)
《Awakening》MV邀请到Jeana何佩瑜担任女主角
Bass手Jason表示玩音乐不是为商业，所以坚持自己喜欢的风格。(黄国立摄)

DeepInside重新出发将为乐迷送上各种惊喜，邀请到Jeana何佩瑜担任《Awakening》MV女主角，而且MV将会有后续故事。除此以外，DeepInside透将会有慢歌面世，而且有别于以往较Minor、较阴暗的感觉；反而让大家有一种找到曙光的感觉，结他手Kit更形容“就咁听一啲都唔似DeepInside”。想知DeepInside会“进化”成点，大家记得留意下星期的《Awakening》Live喇！

结他手Ting虽然比较沉默，但在镜头后是冷面笑匠。(黄国立摄)