【专访．有片】Band仔歌词太踩界？ 乐队秋红：敏感就搽药膏啦！
乐队秋红成军15年，将于下月推出第三张专辑《flower to the people》并在12月10日举行音乐会。重型音乐在普遍听众心目中都是充满控诉，愤世嫉俗的一群，但秋红的音乐所带出的却非只得批判，反而留有想像空间予听众，引人深思。
摄影：陈帧祯
歌曲讲社会议题太踩界？
秋红的歌曲予人印象绕围社会议题，带控诉的感觉，但主音Jan却用“若隐若现、耐人寻味”来形容秋红的歌词。结他手阿曦则以影相、扫描来形容：“我哋嘅歌系用叙事嘅形式去讲一啲事，唔系完全不带个人情感，但唔系要强加自己嘅价值俾人哋，要全世界去跟我哋价观去做，反而系留番想象空同自由俾听众。”
Bass手河马补充：“相信香港人经历过一啲事会有好大感觉，以《柒点壹》呢首歌为例，好多人以为系控诉，但你听番个chorus系讲紧当时五十万人上街好团结，齐心出嚟为自己地方争取一啲嘢，但听众听完有咩感受，点样解读就交由听众自己去发挥。”面对有人觉得秋红的歌曲太踩界，太敏感，结他Andrew笑言：“敏感？敏感就搽药膏啦！”
“喂你哋Flower To The People呢个名用唔到㖞！”
虽然秋红的歌词是叙述的手法去写社会现况，但每人的解读都不同，也无法控制别人的想法，更差点因新碟名称无法举行内地巡演。结他手阿曦话：“有时崩口人忌崩口碗，有一个内地主办单位同我哋讲‘喂你哋Flower To The People呢个名用唔到㖞，太敏感㖞’，我哋第一个反应系‘点解会敏感呀？’”
岂料对方解释：“People呀，你哋有People呢个字㖞！人民㖞！”
“人民”一词竟被内地主办单位拦截，面对如此严重的自我审查，阿曦也无奈地说：“所以有啲嘢真系估你唔到，可能有啲歌讲到好浅白又冇人闹，有时讲紧啲唔关事嘅嘢又人捉出嚟。如果我哋写一啲好激进反对嘅歌就唔系咁写啦，可以再出血啲㖭！但我哋根本个出发点都唔系咁，同埋亦唔需要我哋去做，大把人做得好过我哋啦！”阿Jan也抛下一句：“龙门任你摆。”
唔认识秋红唔紧要，依家开始听都未迟。
重型音乐喺香港……
秋红曾拿下不同国际奖项，但重型音乐在香港仍然被视作“小众”、“地下”。虽然近年开始有更多主流平台去报道，但似乎也香港听众也不太受落，对此秋红各人觉得最重要是做好本份。Bass手河马表示：“香港呢个地方系咁㗎嘛，以前传统平台冇种下呢粒种子。其实依家传媒开始改变都系好事，以前因为冇教育，我细个连Beyond同草蜢都唔识分，只系觉得两队都系几个男人嘅组合。但依家唔同，多咗人认识Band呢样嘢，好似大部份人都知Dear Jane同Supper Moment系乐队。我会正面啲去睇，假设10个人听完我哋歌，之后剩低一个人觉得正，再去认识更多重型音乐已经好好！”
结他手阿曦补充：“你唔能够改变人哋喜唔喜欢，相比起外国重型音乐唔系香港人嘅taste，最重要都系做好音乐嘅本质。假设有人去立法听到秋红嘅歌要拍手，成条红隧都系我哋嘅广告，但如果我哋嘅音乐系唔好嘅，听嘅人一样会嘘，所以做好自己嘅音乐自然会有人钟意。最惊系出咗名但系冇料到先教坏细路，但至少我哋依家问心无愧。”