【专访】本土EDM几时先发到围？ 组合Fabel：10年冇金曲都唔放弃
香港音乐市场个Trend真系好难捉摸，早两年就“潮流兴Band”，依家就“潮流兴玩EDM”，好似Gin Lee新碟、吴雨霏的《Come With Me》、侧田featuring Dough-Boy的《Heads Up Phone Down》等等都充满EDM元素。虽然电子音乐开始“打入主流”，不过坚持创作电子音乐的乐队Fabel却似乎并没因此受惠。是因为听众耳界太狭窄，还是Fabel这队“开荒牛”仍需努力？即使面对各方面压力，主音LoLo仍然乐观：“行落去吖！电子音乐系有得做㗎！”
乐队定位尴尬？
乐队Fabel出道4年由主音LoLo与键琴手Jimmy组成，二人一直坚持创作电子音乐，对香港主流听众而言，电子音乐仍然属于小众，但即使走到音乐节规模的演出，Fabel也不是常客，连Jimmy也直言：“因为我哋两边不是人。”Jimmy续说：“初初好迷惘，因为我哋得两个人，去商场骚又会俾人嫌太嘈；去音乐节我哋budget又唔多，要请乐手又好麻烦，人哋又会觉唔够Rock，两边不是人。”
除了演出搞手觉得Fabel两边不是人，就连行内表演者亦如是，Jimmy表示：“虽然落Club夜场会有人打碟，有人玩电子音乐，我都认识一啲玩电子音乐嘅artist，不过佢哋系钟意做Beat多，而且会觉得我哋唱广东话太Pop；到商业角度睇又会觉得我哋太小众。”幸而Fabel不是“变色龙”，不会为了接job而改变自己的风格，开始有商场会接受他们的作品，演出机会亦随之增加。
香港听众行得太慢，接程度太低？
每当谈到香港音乐风气太封闭，流行曲风格太单调等问题，总会有人指“香港人耳界太窄”，不过Fabel却认为：“其实香港唔系冇人听好嘢，只系钟意听外国音乐多啲。”Jimmy用紫薯、抹茶、拉丝芝士等等食物去形容香港音乐市场的风气：“香港好多嘢都系潮流，都系一窝蜂，就好似紫薯、抹茶、拉丝芝士呢啲嘢食咁Boom一声好hit，又可以一下冇晒影，其实电子音乐都系，争在系几时hit到我哋。”
Jimmy又讲到：“其实我哋对香港听众唔失望，但系传媒同部份人有断层，导致香港嘅音乐接触唔到𠮶班人肯听新嘢嘅人。而𠮶班人多数都系上YouTube自己揾歌听，加上互联网会因应你睇开咩俾番类似嘅嘢你，所以难度在于要捞番𠮶班听众。”LoLo又提到在商场表演Fabel的作品是有反应：“早排我哋喺商场出骚，玩《安多酚》呢只歌系有反应，有人会停低听，佢哋嘅反应就已经俾咗答案我哋！”
气馁=月经？
要爆红当然要睇彩数，幸好Fabel二人都乐观，坚持不改变自己的音乐风格，但音乐人都系人，总会有气馁嘅时候。Jimmy话：“其实气馁呢样嘢就好似月经咁，每个月总有几日喺到谂‘X，不如唔好做啦！’但问题系你唔做真系冇人做。”
既然EDM是全球风潮，那Fabel有否想过离开香港发展？Jimmy却表示：“我都有谂过离开香港发展，但始于香港系自己地方，你连自己地方都未做好，去到人哋地方边有人会show你！”LoLo亦补充：“虽然我哋依家未算好流行，但至少问心无愧，我哋相信咁多种音乐风格喺香港可以共存。”
“行落去系有得做㗎！”
虽然电子音乐在香港未算好流行，但Fabel仍然坚持创作，主音LoLo话：“行落去吖，电子音乐系有得做㗎！”因为Fabel相信自己一路坚持是值得的，即使做足10年没有金曲也不会放弃，Jimmy话：“其实有人会劝我，不如到30岁做唔掂就唔好做，转做政府工啦，但系我觉得即使十年后Fabel仍然未有一首金曲，都唔想放弃个定位，唔想放弃个小小嘅fan base。”'
Jimmy续说：“香港生存好易俾人影响，质疑自己先系最惨嘅事。”
Fabel一直坚持做电子音乐，到今日终于越嚟越多人接受。(黄国立摄)
香港人要《叫》？
Fabel早前推出新歌《叫》，MV画面见到一班人在茶餐厅内争执，见到食物后狼吞虎咽面露欢颜，此情此景迫到Jimmy与LoLo冲出茶餐厅跑到人来人往的街道大叫，到底《叫》背后隐藏甚么意思？
LoLo解释：“其实《叫》系综合香港人嘅压力，地少人多每人空间都好狭窄，好多磨擦，就连望上个天都觉得好狭窄，因为太多高楼大厦。所以每个人压力好大，好需要一个渠道去渲泄，就要《叫》出嚟。”LoLo续说：“至于MV入面嘅人点解见到食物就咁开心，就系因为一句‘揾食啫’，就由愤怒变得好enjoy，但系呢份enjoy又未必系真心，只系为咗做个样出嚟俾人睇我好enjoy。”
Jimmy补充：“其实《叫》同《上传狂》系有关联，因为香港好多人都揾唔到一个合适嘅发泄渠道，而且好多年青人面对社会上嘅问题又无法改变，转而喺网上公审，践踏他人去发泄。”
面对社会上人人压力大，周围充斥住批判的声音，LoLo也无奈地说：“只要大家open minded一啲，心胸阔一啲，就唔使《叫》喇！哈哈！”