睇E-Kids新MV送iPhone超市礼券？ Tommy：其实都几悲哀
虽然E-Kids沉寂了一段时间，但他们上年举行演唱会后开始“强势回归”，而且有全新派台歌《一二三四》，并将推出MV。早前E-Kids更大闹旺角同大妈争位拍MV，今日就于facebook推出制作花絮，叫fans玩“睇MV送iPhone”，Tommy在片中宣布将会送出两部iPhone 7、超市礼券500蚊，以及30秒同成员阿Tim郁礼贤湿吻，单单呢段说话已经符合三字“九唔搭八”的形象。
讲番新歌《一二三四》，由Tommy负责作曲、监制，少爷占填词以及日本班底编曲，看来E-Kids这次想“认真做大事”。既然邀请少爷占填词，而且MV画面不断旋转，似乎E-Kids希望新歌延续“玩嘢味”。Tommy接受《香港01》表示希望今次大家都有“官能刺激”：“睇得晒当你赢！因为我哋3个成14年冇一齐拍MV，想大家一试难忘，而且有‘官能刺激’。”
另外被问到，为何歌词会唔啱音照用，Tommy则表示是自己的坚持：“我作曲𠮶时啲音定咗就系咁，到少爷占填完份词返嚟无论系点都照唱，唔改个旋律。因为广东歌好少啲词好密得嚟又以节奏为主嘅快歌，所以今次首歌除咗系对我哋嘅‘死亡挑战’，亦挑战紧观众听歌嘅底线。”
一张图边feel到有几天旋地转，快啲click下面啲图感受下！(按图放大)
豪掷20万去制作新歌加MV，为否吓怕投资者？Tommy表示：“其实系有可能一铺搞到投资者打退堂鼓，但系我哋想做得一首得一首，好似Wyman咁讲‘宁愿用10万蚊买一件衫，好过用1万蚊买30件衫’，希望今次新歌俾大家见到E-Kids系认真咁造歌！”
Tommy又透露亦曾遇过反对声音：“都有人同我讲觉我做慢歌喺香港先好反应，而且造快歌使嘅钱多好多，但系我就觉得香港已经少跳舞组合，今次出番嚟希望俾人留意到，除咗草蜢之外，香港仲有E-Kids呢个跳舞组合。”
除咗制作新歌及MV大洒金钱，E-Kids今日于facebook宣布豪送两部iPhone，叫网民玩“睇MV送iPhone”，如此大手笔E-Kids会唔会走数先？Tommy坚定话：“坚送㗎！因为好惊大家唔听、唔睇个MV。当时开会倾点样宣传，见到facebook有post话XO酱都多人Share，咁不如我哋都送礼物俾观众啦。至于送iPhone本身系谂住，大下个老板，点知佢哋又话好！”
Tommy又自嘲：“唔介意你因为iPhone先走嚟听歌，最紧要你肯听！不过其实都几悲哀，到底系MV吸引啲，定系iPhone吸引啲？都系iPhone吸引啫！不过真系好希望大家留意下，唔介意你话MK！”
《一二三四》编曲类似典型舞曲，鼓声keep住“Four on the Floor”每一下正拍都“Boom Boom Boom”，而且加入大量synthesizer做Hook line，虽然够抢耳好记，但会否怕让人有“货车歌”的感觉？Tommy笑言：“咁我哋MK吖嘛！啱啦！呢个系香港嘅特色吖！啲人话我哋系MK始祖，要有𠮶种感觉，唔可以偏离得太远，哈哈！”
其实今次个MV都拍得E-Kids三字几型㗎(按图放大)