E-kids三子全部封盘　Alan放闪宣布订婚：我系百份之百钟意女仔！

乐坛组合E-KIDS成员Alan(林咏伦)多年来都甚少绯闻，曾经更被另一成员Tim(现名Kasa)质疑性取向。近日Alan于facebook宣布“已订婚”，并且今日连出两个post晒幸福，写道：“你就是日后勤劳原因，平淡生命亦兴奋 #你的男人 #今日咁热晒D都唔紧要喇”、“Sweet 我唔洗祈福因为我好幸福”。网民均于两post留言送上祝福。

对于突然爆出“已订婚”又连环放闪，Alan回复《香港01》表示自己系时候有一个稳定伴侣：“识咗好多年，一齐咗都一段时间，年纪都唔细喇，事业有番啲起色，都想揾番个稳定啲嘅！”Alan表示自已事业开始上轨道，E-KIDS将会为三首作出埠拍MV，希望让观众明白E-KIDS不再是“搞搞震”；而且自己又与组合EO2成员Eric合作开办跳舞学校，希望培育下一代。

Alan又讲到：“之前冇乜能力，当时做E-KIDS人工唔太稳定，唔敢去肯定畀到啲乜嘢幸福对方。到见到Kasa结咗婚，嚟紧又有小朋友，会唔会真系话（自己）到第二个阶段呢，连我自己都冇谂过嘅。”

对方未婚妻的身份，Alan表示：“其实系行外人，咁多年我都收得好埋，唔知点解觉得，好似都系要畀番少少安全感佢。”Alan又提到：“因为我之前做呢行都唔系太方便，都系想保护番佢。其实我可以相都唔贴，不过都咁嘅地步，唔紧啦，点都系要面对嘅，开心嘅嘢都想同朋友分享。”

另外，Alan曾被Kasa质疑性取向，不过当时只系一句戏言，Alan表示：“唔会嬲佢，我觉得大家工作冇所谓啦，开下玩笑，识我嘅朋友都知我系百份之百钟意女仔。”

Alan又自爆好多人亦问及自己的性取向：“可能我个样貌比较中性，有好多人都问我，话我啲动静好似。几年前签公司，经理人都问‘你系咪𠮶啲’，不过都系讲下笑。”