毅行者2023｜“奶仔”方绍聪伙伍富桥吴业坤组队　目标28小时完成

艺人“奶仔”方绍聪伙拍伍富桥及吴业坤组队，参加“乐施毅行者2023”，希望可以在28小时内跑完100公里赛道，由西贡北潭涌跑抵屯门终点。第5次参赛的奶仔表示，从毅行者可以学习到做人的态度及处事方式，伍富桥亦承认长途山赛可以锻炼意志。
两人提到早前约吴业坤操山，后者带同太太出席，令人意想不到的是，“坤嫂”浜口爱子跑得比想像中快。奶仔亦笑言不如换人，由坤嫂取代吴业坤参加毅行者！

乐施毅行者2023今日（16日）举行记者会，奶仔及伍富桥出席，他们会跟吴业坤及消防员朋友Ryan组队，在下周五（24日）参加100公里的毅行者。他们的目标是28小时内完赛。

奶仔表示5次参赛，获益良多，“可以练到自己点样解决问题嘅方式，有时你喺山度好冻，又或者队友讲咗句嘢令你好嬲，但系究竟你系点去睇件事？你觉得佢系埋怨紧你，定系鼓励紧你？其实𠮶一念系睇你自己点谂。”

奶仔续说：“参加毅行者5年，好建立到我做人嘅态度同处事嘅方式，我会继续参加嘅原因系，继续喺呢个活动入面认识多啲自己，甚至乎我之前做一啲综艺节目，你会见到我好坚毅、唔怕事，出现意外点样解决，我觉得大部分知识都系乐施会毅行者畀我。”

伍富桥之前参加过逆走100，这是他第二次体验100公里的山赛。他说：“对自己有好大体会，玩山赛咁长距离，真系好讲意志，如果唔玩过比赛，都唔知自己嘅意志去到呢个位置。”

伍富桥续道：“每一次玩都提醒自己，原来自己嘅意志去到呢度，平时好易淡忘，好易放弃，做任何事都系，但每一次玩山赛都觉得原来系可以嘅，你系得嘅。我觉得对自己人生做任何事都有正面影响。”

奶仔及伍富桥讲到有次跟吴业坤操山，对方竟带同太太浜口爱子一同上山，两人最初都抱有怀疑。奶仔说：“我哋练山㖞，唔系行山㖞，你带太太嚟会唔会好慢，我哋要跑、要练㖞。”

“我哋已经好少时间练，带埋坤嫂嚟会唔会影响我哋训练嘅进度呢？”伍富桥说：“点知最后真系影响到！点样影响呢？好似揸车俾人推尾咁，俾坤嫂系咁推。我哋谂住要等佢，点知佢畀到好多压力我哋，你冇谂过佢咁快。”

奶仔笑说：“直头快过坤哥，不停喺坤哥后面讲‘奸爸爹（加油）’，我哋直头话‘坤哥，不如我哋转人啦，你太太好似精神过你’。”