【温多娜手记】香港迪士尼新任CEO“献身”公司26年 全因一个字

撰文: 温多娜
出版:更新:

香港迪士尼今日﹙18日﹚公布2018财政年度业绩,亏损收窄至5,400万元,收入则达到破纪录的60亿元,都算可喜可贺。

公司新上任行政总裁﹙CEO﹚杨善妮(Stephanie Young)亦趁呢个机会见见传媒,讲解下乐园最新发展。除了业务之外,温多娜对Stephanie的背景亦十分感兴趣。事关佢加入咗迪士尼26年,于2006年至2009年期间曾担任香港迪士尼首席财务总监,之后返回美国,今年“强势回归”出任香港迪士尼CEO。

留系一间公司27年,对于打工仔而言,近乎“献身”。温多娜问佢,有咩原因令佢留系一间公司咁耐?Stephanie答话,经常都有人问佢呢条问题,虽然迪士尼有好好嘅故仔及产品,但最吸引佢嘅仍然是“人”,因为呢份工作让佢可以同不同背景和经验嘅人合作。Stephanie仲讲笑咁话,虽然自己出身商科,系一个“沉闷”嘅人,但可以与咁多有创意嘅人合作,了解创作过程,教人十分兴奋。

Stephanie表示,带领乐园扭亏为盈,将会是她主要的目标。(龚嘉盛摄)

扭亏​成主要目标之一

Stephanie仲盛赞话,香港人好有热诚及承担,呢度给佢最大嘅印象系,无论各行各业,服务水平都十分高。

至于香港迪士尼,Stephanie更话系全球第一,皆因乐园有好靓嘅环境,到处见到山景和海景,亦十分之国际化,一场表演,不论英语人、普通话人,抑或粤语人都能听得明!

言归正传,香港迪士尼今次亏损缩窄,几时先有钱赚?Stephanie就好有技巧咁答话,带领乐园扭亏为盈将会系佢主要的目标,对未来能否继续带来好表现,佢自己就十分乐观咁话。