【温多娜手记】汇丰“华仔”情人节肉麻示爱 AXA邀男神大唱冧歌
撰文： 温多娜
出版：更新：
情人节刚刚过去，有网民早前就将李克勤一首励志名曲《红日》，改成抵死啜核嘅“2月14颠沛流离”。但情人节无情人又有咩好怕㖞？近年好多公司都会出尽法宝，喺情人节冧掂一班员工，其中保险公司似乎特别“有爱”！
华仔约员工食Tea切Cake
话说寻日汇丰保险一班同事，晨早流流就收到一封由“华仔”Send来嘅电邮，竟然公然示爱，“回望过去两年，我哋手牵手、肩并肩所做嘅一切，我更加知道你对我哋系几咁重要。”内容情深款款、肉麻非常，仲约定同事下昼2点半一齐食Tea切蛋糕。
呢位“华仔”，原来就系汇丰保险香港行政总裁文德华（Edward Moncreiffe）！虽然见唔到“真‧华仔”，但一班伙计有蛋糕食，又有呢位“整古做怪”嘅老细，应该都玩得相当尽兴！
AXA邀男神Office大唱冧歌
汇丰保险有“华仔”撑场，但另一边厢，AXA安盛亦唔输蚀，请嚟“男神”艺人张彦博为同事派朱古力，兼且送上一首首冧歌。唔单止咁，张彦博仲同AXA安盛一班手足一齐影咗张心心手势照，再上载去社交平台，帮公司捐款去香港防癌会，将爱心分享畀其他有需要嘅人。