揾工｜见工睇经验、能力更睇修养　不懂自重、随便失约不配有好工

编按：很多人觉得求职见工是靠经验、能力来争取获聘机会，但很容易便忽略了自己待人接物的态度往往才是成功与否的关键。以下由求职平台《Wantedly》分享的文章，便提醒每位求职者在见工时保持有礼自重的重要。

做人要“讲口齿”，见工都唔例外（点击了解）：

笔者呢排四出张罗，揾大大小小嘅公司老板倾偈，目的并唔系为咗自己跳槽，而系帮大家了解究竟要做啲咩先可以揾到份好工！

咁点解会用“言而有信”开题呢？就系因为同好多founder倾偈嘅时候，都发觉佢哋大多数都有遇过畀人“放飞机”嘅情况，而笔者实在太睇唔过眼，决定要谴责吓大家！

相信大家细细个都有学过，做人要“讲口齿”，应承咗人嘅嘢就要做。用一个大家都经历过嘅例子：有一日你约咗朋友出街，结果个friend临时放你飞机，然后你仲要喺条街度唔知为乜咁等咗半粒钟，10个人有9个都会躁啩？

而一众HR同founder都见过唔同嘅“花式飞机”，最基本嘅“诈肚痛”都算啦，叫做有通知声唔使白等，但“冇尾飞陀”大家又点睇先？

最夸张嘅一个case，系有个founder惊个candidate唔识路，仲打电话去问使唔使落去接佢，点知换嚟嘅系一句：“呀，sorry呀我唔记得咗。”

笔者一直都觉得，无论你认为份工或者间公司点都好，去见吓点都冇坏，咪当识多啲嘢，见多啲人。但应承咗人又无啦啦放飞机，除咗唔尊重人之外，你又叫人点请你呢？

相关文章：【面试】公司怎评核员工？有在职培训？　7条问题接受取录前应问

有人可能会谂：超，反正之后都唔会再见㗎啦；又或者，我都有其他offer，无谓浪费时间啦。但正所谓“人禽有别”，只要你有多少修养，基本礼貌点都要有。如果冇的话，同啲衣“官”禽兽又有咩分别呢？

当然，笔者都曾经有过好差嘅interview经验：有次试过去到话要等阵，点知一等就等左45分钟，于是一怒之下就同个HR同事讲：“如果你哋唔得闲的话不如我哋约过第日再见啦。”然后就走咗。

大家都同样有呢个权利，但前提系“人必自重而后人重之”，最起码都要做返好自己；而当人哋唔尊重你嘅时候，你都冇必要做“死狗”。

相信大家都听过“五十年不变”呢句说话，但现实上嘅香港又系唔系咁？大家都应该知道。如果你唔想自己或者将来个社会继续系咁，就应该做返个有诚信嘅人，咁先会值得一份好工！

相关文章：【转工】揾工不被同事识穿5个重点　工作期间收面试来电要点做？

相关文章：求职揾工｜CV寄极冇回音？　3大“阿妈系女人”级小错切不可犯！

【本文获“Wantedly Hong Kong”授权转载。】