揾工｜CV写经验只填“职责”注定比下去？5大履历建议嫌烦都要睇

就业市场不景气，揾工求职的竞争自然更大。撇除运气外，打工仔如何撰写履历（CV或Resume都好）会是决定成功与否的第一步。
想在CV这一关已突围而出（或不犯下低级错误），不妨参考Wantedly小编的建议，执好自己的履历才发送出去。
撰文：Wantedly

话说小编搞咗呢个【CV急救小队】都已经成个几月，大大话话都睇咗接近200份CV，为咗令冇register嘅大家都可以受惠，笔者就整合咗下列一大堆常见问题，等大家可以睇返自己份CV又有冇类似嘅问题。

点击下图看清求职CV常见问题！

1. CV vs Resume

或者好多人都分唔清楚CV同resume，首先笔者想讲，分唔到并唔系大家嘅问题，而系因为香港一直都冇将呢两样嘢细分。换言之，CV等于resume。咁两者实际上又有咩分别呢？

简单啲讲，CV其实即系详细版嘅resume，所以香港地系唔会用得着，事关大家一般send出去嘅履历最多都系一页起、两页止，长过三页啲HR都已经冇心机同时间睇，所以大家真系唔好将份CV写到咁长。

相关文章：【揾工】CV、Resume怎分辨？　了解两者性质撰写合适履历表冇难度

2. 基本内容

笔者睇咗咁多份CV，原来好多人都系唔知一份基本嘅CV里面要有啲咩，对返齐下面个list啦：

1. 个人资料
2. 个人简介
3. 工作经验
4. 教育程度
5. 技能
6. 其他（例如：活动、义工、作品之类）
7. Availability、current salary同expected salary

最基本就系咁多，下面就等笔者逐样拆解。

3. 个人资料

个人资料真系唔使太详细，最基本有你个名、电话、email就已经好足够。

但笔者见到好多人都会加埋中文名、地址甚至年龄落去，而呢堆都系多余，与其留位写呢啲嘢，不如畀多啲位写之后嘅内容啦。

利申：好多人都钟意喺电话号码之前加“852”，但既然你喺香港揾工，唔使加都知大家都系香港人啦。

相关文章：揾工｜见工面试问人工多少就是动机不纯？　3大商讨技巧避惹负评

4. 个人简介

好多人嘅CV都唔会写个人简介呢part，但其实呢个部份绝对可以令你脱颖而出。

根据笔者同咁多HR倾过偈嘅经验，一个好嘅self intro系要令人喺30秒里面就知到你系一个点嘅人，包括性格、工作技能、经验之类，咁HR一眼睇落去就会大概知你系一个点嘅candidate。

利申：喺睇过咁多份CV里面，真系得10%左右有呢一part，同埋有样嘢真系好紧要：唔好错grammar呀……

相关文章：求职揾工｜CV寄极冇回音？　3大“阿妈系女人”级小错切不可犯！

5. 工作经验

好多人写work experience嘅时候，都好集中写自己嘅job duties，但其实更加紧要嘅系你嘅achievements。

咩叫achievements呢？例如帮公司跑过几多数、marketing campaign嘅ROI系点、啲客嘅satisfaction系点之类。

每个job role都会有自己嘅achievements，当你同时间有间job duties同achievements嘅时候，HR就可以一眼见到哂你“识做”啲咩同埋“做到”啲咩，记住：识做同做唔做到又系另一回事。

记得啲内容要同你apply紧份工有关，就好似人哋请designer，你话你好sell得又有咩用呢？

相关文章：【揾工】上乘级CV要符合3大准则　关键：用短时间证明你值得获聘

【本文获“Wantedly Hong Kong”授权转载。】