揾工．CV｜履历表最忌“唔对题” Skills一栏咁写HR绝对睇都费事
编按：揾工求职第一关当然是写好CV，但撰写履历表这回事易学难精，且不是随便上网找个template照跟就算好。求职平台Wantedly团队早前便分享了5大写CV的注意事项，想转工转行的打工仔不妨参考。
撰文：Wantedly
点击下图了解求职CV 5大常见问题！
【CV急救小队】已经告一段落，大大话话都睇咗成250份CV，下面就等笔者讲埋其他写CV嘅常见问题啦！
1. 教育程度
呢度就要分两班人讲，分别系fresh grad同已经做紧嘢嘅你，先讲前者。
由于fresh grad好多时都冇乜工作经验，所以一开始摆education系绝对冇问题；至于后者，就记得唔好所有学历都摆哂落去，尤其是系中学（除非你读啲超级名校啦）。
因为HR好多时只会睇大专或以上嘅学历，假如你Asso、大学、Master都系读Marketing咁先算啦，其实摆大学同Master落去已经好够。
相关文章：揾工｜长期请人、催促辞职来上班？ 伏工常见10大特征求职要留意
2. Skills
一讲到skills，好多人都问过：如果我冇skills可以摆落去点算呀？首先，每个人都会有技能嘅，你可能只系唔知自己有咩技能。
先讲hard skills，其实呢个好睇你“答题技巧”，假设你系揾紧marketing嘅工，咁通常个job post都会写expectations，例如：Google Analytics、Social media advertising之类，咁如果你识咪摆落去，唔识咪上网学，就系咁简单。
反而好多时嘅情况系（因为好多人都懒得改自己份CV），人哋写到明要你识a、b、c三样嘢，但你份CV就写咗c、d、e、f、g落去，咁你份CV都唔对题嘅时候，HR又点会见你呢？
再讲soft skills，亦有人会叫做competencies，其实就系畀HR知你大概系一个点嘅人，而呢啲特质都应该喺你份CV上面有反映出嚟，例如你写leadership，但你又冇lead过任何team；你写problem-solving，但你work experience又冇讲过自己帮公司解决过啲咩问题。咁呢part就会变得好重“水份”，好多HR都会睇完就算。
所以大家记得喺CV上面，其实每part都有关系，唔系是但写完掉啲嘢上去吹吓水就算。
利申：真系唔好将hard skills同soft skills摆埋喺同一part，HR真系可以头也不回就唔睇你份CV……
相关文章：【Home Office】在家工作乐得清闲？ 5招执靓LinkedIn页面助揾工
3. 其他
“其他”呢part牵涉嘅嘢可以有好多，先讲fresh grad。
呢part对你哋嚟讲系超级紧要，再重复多次，系超级紧要。正因为你哋冇乜工作经验，可以写嘅嘢已经少，HR唯一可以了解你多啲嘅渠道就系呢度。
所以即管写你嘅义工又好、课外活动又好、比赛又好，讲多啲自己嘅嘢畀人听，某程度上就已经系解释紧你识啲咩同埋你系一个点嘅人。
至于已经做紧嘢嘅你，呢part就真系要写得技巧啲，变化亦都多好多。
如果你有上online course或者其他qualifications嘅，绝对应该要写落去，例如HubSpot嘅certificates、Google嘅online course之类；如果你有其他projects或者work系出过街嘅，摆埋落去都唔系问题；再唔系你成日做义工嘅，又或者有参加啲大型比赛嘅，摆落CV都绝对唔系问题。
咁常见问题系咩呢？同上面讲过嘅嘢一样：唔对题。例如你见sales，但你又摆啲唔关sales事嘅certifications落去；又或者你见designer，但又摆自己写嘅文落去。
所以好多时最正路都系会摆啲唔系work-related嘅活动落去，等HR睇你份CV嘅时候对你有个全面啲嘅了解。
相关文章：【揾工】忽略关键字、自传式分享 7个写履历表常犯低级错误
4. Availability、current salary同Expected salary
呢三样嘢，真系每一份CV都要有，求下大家真系唔好漏……（current salary可以唔摆嘅，如果人哋冇要求又或者你系fresh grad的话）
至于availability，呢个就真系睇你份工，如果人哋个job post写到明系要immediately available，但你可能要一个月通知嘅话，就写清楚畀个HR睇，唔系到时人哋以为你第日可以返工就无谓啦……
至于expected salary，普遍转工嚟讲系可以加20至25%不等，当然你对自己有信心可以叫高啲啦，但如果你可能send咗好多次CV出去，又觉得自己份CV冇乜大问题的话，就可能要谂吓调低个expected salary，因为好多时HR见到个价真系畀唔到你，就唔会浪费大家时间。
相关文章：【揾工】CV、Resume怎分辨？ 了解两者性质撰写合适履历表冇难度
5. 排版／formatting
排版可以好见仁见智，但formatting就真系唔好衰啦……好简单讲，如果你系个HR，见到份CV对位都对唔齐，咁你入到嚟搞啲documents仲得了？
笔者先假设大多数人都系用Microsoft Word去写CV，善用吓啲grid（hide哂啲线）、bullet points、tab之类，将份CV执到整整齐齐先好send出去。
利申：笔者见过有人用WordPad去写份CV，份CV真系好似打哂风咁，真系会睇都唔想睇……（如果你部电脑冇Word嘅话，上Google Documents咪有啰，唔使自己买／download㗎嘛～）
至于排版方面其实唔系大家谂得咁困难，前设都系用Word先算啦，大家有冇试过玩吓2／3个columns呀？觉得唔够位写有冇郁过啲margin呀？同埋而家Word多咗好多design嘅function，大家只要上YouTube search吓就会揾到极多tutorial。
如果想做design或者visual相关嘅话，成份CV同你嘅portfolio就系你证明自己嘅地方。咁白纸黑字系咪又唔得呢？唔系唔得，但啲HR一日睇咁多份CV，你想人哋睇得开心啲、容易啲记得你嘅话，咁咪尝试整靓啲份CV，impress吓人都好呀～
笔者写呢个CV教学，基本上已经cover哂一份好少少嘅CV应该系点，当然出面仲有好多专家啦，但如果你跟住去执自己份CV的话，相信都“不中亦不远矣”。只要大家认真啲看待自己份CV，好快就会揾到份自己想返嘅工㗎啦！
【本文获“Wantedly Hong Kong”授权转载。】