【求职攻略】履历总是石沉大海？ 写CV基本功：执好排版、关键字
揾工嘅痛真系好磨人，简单啲讲就系：莫道你在选择人／人亦能选择你。相信大家揾工最烦嘅除咗系拣边份工之余，就系CV。当大家都已经咁攰嘅时候，笔者就分享下一直以嚟嘅观察所得。
虽然唔知大家有冇经历过以下呢个情况，但笔者有：每日send几十个applications出去，搞咗成个月都只系得两份工揾你“in”，然后就开始怀疑呢个世界，甚至怀疑自己。
但喺呢两个interview里面，其中一个HR就好似灯塔一样嘅存在。（利申：唔系想为HR护航，只系HR都系人，而人总会有好有坏）
A：见你份CV咁样，冇谂过原来你个人咁正路㗎㖞～
B：啊......吓？唔好意思，我唔系好明。
A：嗱，不如你讲下自己份CV有咩问题？
当时嘅笔者已经“腾哂鸡”，心谂：唉，咁难得先有机会见工，今次实冻过水啦......
B：冇理由㗎㖞…...我已经check咗好多次，应该冇错别字，都冇串错字㗎…...
A：哎呀…唔讲𠮶句都同你讲埋啦！你份CV唔系衰呢啲“低b”嘢呀，系闷呀！
B：闷？我已经搞咗好耐㗎啦㖞…
A：呢啲template化咗灰我都认得啦，你估你呢度改少少，𠮶度改少少就冇人知咩。好似你嚟interview都识着得斯文“企理”啲，你份CV就好似你件衫咁，咁肉酸揾鬼见你咩！你快啲返去执靓仔佢，唔好晒咗你自己啦！
离开咗个写字楼之后，先发觉原来“若要人不知，唔好太低b”先系真理。
虽然笔者一路都冇乜艺术细胞（由小学开始嘅劳作都攞D），但好多嘢其实有心机就会做到，就好似：
1) 字型
一句讲哂：最紧要readable，加埋粗体、斜体、大细字，其实已经好足够。 但问题就嚟，如果你畀啲好似下面张图咁嘅字人哋睇嘅时候，HR未见到你个人都先惊咗你份CV先啦。所以呢，如果你钟意打机又好、睇漫画又好、睇剧又好，都唔一定要将佢哋嘅字型带埋入自己份CV度嘅...…
2) 排版
十份CV里面有九份都系好似六合彩咁，由上至下左至右一栏过，名符其实“千篇一律”。
先假设大家好少用Adobe嘅software（但其实今时今日，自学真系好容易），单纯用Word去整份CV嘅时侯已经可以畀你分栏（column），分左右两栏同埋一张白纸左至右直落已经可以差好远。
Wantedly tip：成日都觉得好难执整齐份CV？有冇试过整个表格然后hide哂啲线佢呀？
3) 内容
假设你真系执靓仔哂份CV啦，去到最后都系要睇“馅”嘅，因为原来𠵱家好多CV喺未到HR之前就已经消失咗。
咩意思？因为而家有ATS（Applicant Tracking System）嘅存在，听讲呢类系统会将接近75%嘅applications筛走，剩低嘅先会去到HR手上。
即系点？呢个CV“机械人”会自动screen大家嘅CV，喺里面揾唔同嘅keywords，睇下究竟你系咪一个relevant candidate，定还是嚟“运吉”。（就好似上面张图咁）
咁要填啲咩keywords先会令自己更加relevant呢？简单啲嚟讲就系将份工需要嘅嘢摆落自己嘅CV度，例如digital marketing嘅可能要落Google Analytics同click-through rate；sales就可能要讲自己hit到几多sales target同埋相关嘅software，例如Salesforce、Saleswhale，诸如此类。
最后，其实笔者以上讲嘅都只系好片面嘅资讯，其实揾工到头来，都系想自己可以过生活之余，又唔会喺一间令自己痛苦嘅公司生存。
【本文获“Wantedly Hong Kong”授权转载。】
立即下载《香港01》，紧贴公务员职位空缺、劳工处笋工推介，了解CV、面试致胜技巧！
下载网址：
https://hk01.app.link/bkbJyY5t4O