【律师心声】10个不接Client电话的原因：听你抱怨不是工作范围！
今时今日“请律师”呢回事，唔少人都有经验，无论买楼，打官司，定系其他形式的法律咨询等。唔少人对请律师的最大抱怨，除了系律师费贵，主要就系“律师唔听我电话”。
好多咩“法政随笔”之类的专栏会话你知，律师有咩专业守则，尊贵的律师大人Ideally如何处理与每位有礼貌有学识的Client的通信之类的Legalese：又话要写信又盛。
但实际上，无论系大行如孖士打(而家改左名叫Mayer Brown) 或者系陈李张黄何的街坊High Street Firm，无论你系$5000出封信定 $100万 Retainer打场官司，你的律师不接听你的电话，主要系以下原因，部分甚至系残酷真相：
1. 你好黑人憎 令人由衷地心生厌恶感
呢个大概系最大原因，而且集下述所有原因之大成：
a. 你明知你律师好忙b. 你明知律师无野Update你c. 你Weekend 与假期都Call律师问埋D无关痛痒的问题d. 你每日急Call律师直线，Call到律师听电话为止，问埋D重重复复而且无聊问题，讲埋D怨天尤人诉苦说话，律师讲到明5分钟后要开会，你仲“请教多你一个问题 ”(而且之后仲会引伸多50个问题，大部分都系Legally irrelevant)e. 你明知经你日日咁Call，日日向自己律师审犯咁审60分钟，律师从Common Law的历史讲到终审庭案例，再讲到民事程序高等法院规则与Whitebook，再逼你的律师要重复讲返你单Case冗长 (而无聊） 的Facts如何用以上法律原则套用落去，每日将LLB + PCLL + 执业经验同你重温一次之后，律师费一早用完，而律师楼出张单叫你俾钱，如果唔系就无得玩落去，你依然急Call你律师，抱怨点解 “大家当朋友咁倾下计，你都要收我钱，咁不近人情”
f. 重重复复都算，你的律师讲解左相关法律原则，点解你只能得到 XXX结果，或者视乎法庭如何看待 AAA证据或者证人 BBB表现如何，你依然问返律师点解唔可以得到YYY结果，然后要律师重新讲多一次。g. 在律师多次同你讲 “啊陈生，正如我之前同你讲，法庭考虑因素呢，就包括….. 你单Case强项就系你有证人BBB….. 但弱项系虽然你话咁重要的合作，但系无文件证据支撑….. 下删20分钟Monologue ”你依然问 “啊律师，即系你话，我有证人BBB， 咁就一定赢，系咪咁意思？”律师内心“ X$Q^Y! ”而长叹一口气后：“唔系，正如我刚刚所讲，亦都讲过好多次，法庭考虑因素呢，就包括….. 你单Case强项就系你有证人BBB….. 但弱项系虽然你话咁重要的合作，但系无文件证据支撑….. ”
能够达到如此结果，好大机会系，你既无礼，又要求多，又唔找律师费，又唔听律师意见，又唔明律师讲乜，又浪费律师时间，又咋傻扮懵，又拒绝接受现实。如此黑人憎之人，实属难得。
你应该问的问题，唔系点解律师唔听你电话，而系点解仲有律师肯接你单Case？ 假如你的律师仲未正式炒你的话，其实你已经应该感恩了。
2 你的律师忙紧 尤其系忙紧一些更重要的大Case大Deal
无论你系好似以上所讲$5000出封信定 $100万 Retainer打场大官司，你的律师基本上唔会只有你一位Client。要交灯油火蜡同维持合理水平的收入，一位律师好可能系任何同一时间处理紧10-50单Case屎，所以亦系要应付10-50个Clients。
更甚者，律师无野卖，只有自己的时间，好多野要亲力亲为：从开会到上庭，Drafting到Research，每一样都需要大量时间专心处理。所有做得律师系肯定忙，肯定大压力。 你任何时间Call你的律师，好可能佢都其实处理紧某一样非常Urgent的事情，在赶某个法庭或合约方的Deadline。假如你$5000出封信追15万之类，之后对方无回复呢回事 (而你又决定左唔会请律师入禀吿对方)，令你好唔开心而你想打电话俾你律师呻下对方点衰点衰？基本上，你的律师无咁得闲听你抱怨。
▼▼《是咁的，法官阁下》一剧中话有年轻大律师收入仲低过侍应，要住板间房？？▼▼
3. 你太多野讲
每个人都有自己的问题同压力。你会觉得你的Case系你人生最重要问题，呢个无问题。但如果你单纯想同人倾下，Chances are你的律师并非最佳聊天对象，除非佢主动表示愿意同你倾。
无论Civil定离婚官司呢D重灾区，好多Clients往往讲讲讲对方点衰点衰，自己就好人过邓肇坚，好唔公平啊，自己信错人，自己觉得好委屈啊之类的抱怨说话，越讲越激动，在律师面前不停闹对方衰，更甚者就系在律师面前喊苦喊忽。一哭二闹就系咁。
正如以上所讲，你的律师好忙，但同时对你有一定的专业责任。有些事情是 Legally Relevant的，律师问你乜你就答乜，你觉得有关系的资料才补充。抱怨说话之类完全系浪费律师时间。正如你睇医生 (Clin Psy与精神科除外)，都唔会同医生重重复复讲你有几唔开心几委屈。
呢一点无野针对你，只系律师都需要get his/her job done，而佢的工作并不包括亦没有时间及Expertise为你做心理辅导。
如果你下次打电话俾你律师“请教下”一些Retainer以内甚至以外的问题，你的律师同你讲“可以快倾10分钟，之后要开会”，你应该醒水啦，面斥不雅。
4. 你唔交律师费 / 你系一个“Non-client”
呢个大概系最实际原因。好多人话律师见钱开眼，事实系各行各业都一样。你试下行去诊所，未俾钱你睇下医生会唔会见你？你唔比钱，Auditors会否亲自话你知你间公司有咩可以扣税？
正如以上所讲，律师唯一可卖的就系自己的时间。律师有限的时间，优先一定系处理Paying clients的案件与问题。 因此，在律师眼中，其实只有 Client 与 Non-client之分。 对于 Non-client，包括拒绝继续支付律师费的Ex-clients，律师无咁多时间同你倾计。
当然啦，除非你真系亲戚朋友，咁倾下闲计系OK。有法律问题，很General咁讨论下都OK，但如果有个人实质的法律问题，最好都系约个时间正式咨询啦。正如你有朋友开餐厅，都唔会每星期去食免费午餐，对吗？
5. 你打死都唔听人讲
杨千嬅有首歌歌词“是你么 若有人爱我是你么 ”
系你啊，打死都唔听人讲个种Clients，重灾区尤其系一些自以为是的中港生意厂佬，以为自己叻过晒全世界，殊不知自己踩中500年一遇的大陆开放时代机遇 + QE印银纸楼价Gogogo bonanza。60岁拿住4-5层楼，市值几千万，就觉得自己系人中之龙，系狮子山下奋斗故事的主角。
No offence to呢个年纪的人，但好多呢个Demographic的中老年人，系极度极度Stubborn，打死都唔听人讲。 有咩法律问题，虽然可能肯俾钱律师处理，但律师同你讲解完 “根据终审庭LKW v DD ， 长期婚姻离婚要分身家”，但你依然日日都Call律师个直线电话，坚称“一蚊度唔分俾个衰婆”，原因系“律师你错wor。 点解寻晚同个朋友倾计，佢同我分析左，话婚前资产一蚊都唔使分！？” 而对方并非律师，而系一名厂佬。
咁仲有乜好讲呢？年轻人成日讲的 “废中/废老”，如果存在的话，可能就系呢种。
▼▼▼按图放大，睇更多律师唔听电话原因▼▼▼
SJ结语当然啦，其实绝大部分Clients，又有礼貌又乖，又恭敬，只会在办公时间打个电话俾你，而且往往惊浪费你宝贵时间，而预先Send个Email请问能否“明天下午或待你有空时，希望通一趟电话”，然后电话才5分钟已经通话完毕，因为Client只会问返同单Case有关的问题，而且已经准备好问乜才打过来问。Be a good client!
【原文转载自StealJobs.com。StealJobs全面透露各行各业人工，工时，晋升前景，以及入行攻略，欢迎匿名提供收入资料。】