【职场人际】怕被炒上司讲咩都硬食？　4招教你“说不”的艺术

想做个好员工，少不免要接新project同执同事手尾，但有时太好人只会令自己中伏——忙到做唔黎。咁点好？
Say NO啦。
其实你都知无上司钟意听到个No字，尤其是叫你做嘢𠮶时。但点先可以拒绝做死自己，而又唔激嬲上司同事？

在漫长的职业生涯中，总会遇到这个场面——上司交待工作，但自己却分身不暇，想Say NO，但个No字到喉咙又格硬吞左，毕竟自己会惊，一个“No”字，上司听了不爽，同事听了不快，好可能随时被老细召入房，问下你系咪唔想做。

于是，唔少人选择默默哑忍，直到有一日顶唔顺，辞职走人，但来到第二间公司，相同的“戏码”还是继续。不过，如果真的遇到工作上的困难，最好还是开心见诚地说出来吧。

注意，开心见诚唔等于直接说“不”。

讲多谢

其实都系要避免一开始就说“NO”，如果人地叫你负责开一个新project，首先要讲多谢，多谢人地睇得起你啊！将个新project交得畀你即系信你有料，就算唔系开正你𠮶范，或者你根本无时间做，最好都表达谢意先。

咁大家就可以开开心心倾落去，仲可以令你条team觉得你好认同佢地嘅眼光同选择。

讲白啲，即系打定底，等佢地听到你Say No时冇咁燥。

例如：“好开心听到你度新project预埋我。个project听落几正，但我宜家无时间可以做。一系我问问另外嘅同事？”

讨论工作量/优先事项

讲下你宜家嘅工作量，显示你真系好忙。如果勉强接job，好难会做得好。一系押后个project，等你清左手头上嘅工夫再处理。一系就交畀其他同事。

谨记列出你嘅日常工作、一啲占用你时间的重复工作，同埋你已经安排好但未开工嘅新项目。最理想系讲到每项工作需要嘅时间。

例如：“如果要做呢个新project，我手头上进行紧的XYZ project未必会如期完成，佢地占左我的工作大部分时间。不如我讨论下如何按排现有project同新idea的优先顺序？”

向上司建议另一个选择

可以向上司提议另一个适合人选、延后开展project的时间、或另一个可行的方案等等，表现出自己有考虑过上司的需要及忧虑。

例如：“关于呢个project，我有少少有关工作安排及分配的建议...”

最重要是“说不”的态度，尽量理性讨论，解释时附上事实，同时亦代入上司的处境，让他知道你不是不想帮，而是“无能为力”。

解释为什么不可行

每个人都应该分清缓急先后。如果今季嘅公司或你嘅individual target已经set左，你处理嘅所有project都应该同目标直接有关。

如果你老板提出嘅额外工作同你或你条team嘅目标唔一致，咁你好应该Say No。同老板解释返哩项额外工作无助于达成今季target，不如专心做好一个target先啦。

例如：“今季度开始时，我地将业务target set左做XYZ，而我地开展紧嘅所有项目都朝住哩个目标努力。今次哩个idea似乎唔match我地宜家嘅目标，不如我们保留到下季再讨论？”

【本文获“vanna.com”授权转载。】