【职场Email】讲得Feel Free To Call　结果冇人揾你　咁系代表…

所谓出得来行，预咗要还。出来社会揾食，都难免要承受自己口轻轻的承诺所带来的后果。其中一个常见的口头承诺，就系 “Feel free to call anytime”。

人在职场，好多人的电邮结尾都惯性一句"If you have any questions feel free to call anytime" (or equivalent)，或开会或打电话结尾时，都会话“有问题随时Call我”。

结果会系点？ 基本上就系以下情景：

1. 客户夜晚11点 Call你 问长问短考你功课

身为Account Manager 你个客仔话大唔大，话细唔细，一年都帮公司带返一百几十万生意，点都要招呼下。所以，身为AM的你当然口响响话“随时Call我！”。结果，你个客仔晚晚11点都毫无先兆下Call你手机，一开波就要你从Project盘古初开的细节开始讲，讲到现况，讲到来紧你对香港市场的SWOT分析，讲到12点半先Reluctant地接受你的解释收线，然后听晚又再Call你。

2. 上司一个Weekend Call你30次

有一种脑细，特别中意Weekend或其他公众假期 call员工，交低自己听日就唔记得的最新鸿图大计，或generally追你呢样个样，问你做乜唔星期五前做起。呢种脑细，好可能缺乏家庭温暖，放假时太得闲所致。

SJ特此呼吁所有上司：放工放假，无咩真正紧急野，真系唔好Call下属。

3. 无人真系Call你　因为你Run得好顺

虽然你对个个人都会话欢迎随时Call你问野，但大家都唔会真系点Call你，因为你处理各项Items都好顺，自动自觉定时定侯同客户／同事汇报跟进。当然，点都有D麻烦友，但整体而言大家都会预留空间比你，呢个系最理想的情况。每日工作辛勤之后，你可以享受真．放工。Work-life balance? 你值得拥有！

4.  无人真系Call你　因为大家都怕咗你

无论返工时间或放工后，一样无咩人真系会烦你，原因系在大家眼中，你系一个能力／品格上信唔过的人，交给你的工作你就一定带到出公海然后就失埋踪，系人对你都避之则吉。虽然你得到了安宁，但好可能你好快会失去埋份工，而且更重要的系失去你的Reputation，呢个好难修补。大家眼中你系个懒人，唔可靠的人，一旦定形，以后你唔使旨意升职加薪，做都最多做啲猪头骨可有可无工作。

以上几个情况，你又系边一个呢？

SJ结语

大家有时可能觉得一切人同事都好麻烦，但其实有人去烦你，可能系因为他人信你对你有所期望，先会找你解决问题。 SJ常言道“唔好怕被人利用，被人利用代表你仲有价值” （OK 其实系马云讲的）。当然，亦有好多情况对方真系揾你笨，但整体而言，假如你有处理麻烦友的能力，以及有上乘的办事能力，其实应该依然可以去到“无Call胜有Call”的最理想情况。

哪怕有一天真系无任何人烦你，可能才是你真正烦恼的开端。

【原文转载自StealJobs.com。StealJobs全面透露各行各业人工，工时，晋升前景，以及入行攻略，欢迎匿名提供收入资料。】