清除黑头靠呢招! 大热Aqua Peel Facial系咩原理? 自己做一样得?

每个女生都想天生丽质，而十个有九个都渴望成为素颜美人，就算唔化妆出门，仍然能够拥有天然好气色，但渴望还渴望，现实中试问又有几多个女生够胆全素颜出门示人？女生们如果想卸咗妆之后仍然见得人，到底可以点做呢？

小编就自问唔敢素颜示人，平日靠化妆遮丑之余，亦唯有不断尝试坊间唔同去黑头粉刺方法，相信唔少女生都系一样。用手挤、用针挑、用黑头贴、敷泥mask、黑头导出液、厚敷凡士林，统统试过，但黑头仍然都系“野火烧不尽，春风吹又生”，结果最后又系要以粉底液遮丑，一来二去造成恶性循环，令皮肤状态变得更差之余，亦并非一个长久好方法。

其实黑头、粉剌、暗疮统统都源于油脂分泌，加上表皮嘅角质层脱落得比较缓慢，因此就会出现毛囊阻塞，形成粉刺同黑头。要有效清除黑头，而又唔伤皮肤，最重要系还原基本步，做好基本清洁！

近年女生们间就兴起去美容院做深层洁净嘅疗程，利用仪器为肌肤嚟一次大扫除，其中最大热嘅绝对系非“污糟水”Aqua Peel莫属，唔少韩国KOL同试过嘅网民都大堆清洁力一流，咁到底Aqua Peel系咩嚟？又有咩咁神奇？小编𠵱家先为大家嚟个Aqua Peel大解构！

🔻按图了解Aqua Peel🔻

据小编留意，一般美容院做一次Aqua Peel价钱介乎$500至$1000左右，虽然以美容院疗程嚟讲并唔算贵，不过小数怕长计，假如女生们已经试过疗程而又觉得效果唔错，其实自己喺屋企做都一样得！事关韩国近期都相继推出家用式Aqua Peel机，操作非常简单，唯一需要补充嘅只系配合仪器使用嘅精华溶液。屈指一算，差唔多做两三次就已经回返本！

暂时市面上比较热门嘅Aqua Peel机分别有Utia同Abeluna，前者韩国制，后者中国制。小编比较完，建议大家都系入手Utia Aqua Peel，无论系体积、消毒功能，定吸头数量都略胜一筹！

Utia Aqua Peel 深层毛孔清洁机 $1798

Utia Aqua Peel机暂时系全球最细，体积大概只有一部手机咁上下，买机嘅同时已经送埋三种不同大小嘅吸头，可以小范围针对鼻梁、下巴、额头进行清洁。使用时需要配合埋Utia 3 Steps 美容洁肤液，先做Step 1 深层清洁毛孔废物及化妆残留物，然后Step 2去除累积角质 同淡化色素沉淀，最后Step 3 就为皮肤补充营养，紧致弹性。做齐三个步骤，就会见到容器入面充满住灰灰黄黄，以及飘满死皮嘅水，呢啲就系你皮肤入面嘅污糟嘢，完全你可见嘅清洁效果！

而同另一部Abeluna相比，Utia Aqua Peel另一值得推荐嘅地方在于充电盒有内置紫外线杀菌功能，充电嘅同时做埋消毒，唔怕会弄巧反拙，污染皮肤。

🔻Utia Aqua Peel深层毛孔清洁机功能一览🔻

要拥有无瑕嘅养皮肤，一定要持之以恒保养，去美容院虽然可以享受专业级服务，但同时亦都诸多限制，无论系对自己好啲，定着重性价比高，都不妨试下自己Facial自己做！

(产品资料以官方最新发布为准，价钱最后更新至2020/01/30)