盘点三大红遍欧美护肤品牌!平价 全天然 效果强 护肤界的三股清泉

近呢几年来，日韩护肤品大行其道，而佢哋之所以会咁流行，大多数都赢在价格优势上！而欧美护肤品亦逐渐地被人冷落，慢慢遗忘。欧美护肤品嘅实力当然系众所周知，譬如系Lancôme小黑瓶、Estée Lauder小棕瓶、La Mer面霜等等，网络上都系一面倒嘅好评。不过碍于价格关系，令唔少姊妹即使想拥有都会有所却步。所以，小编今次要嚟同大家介绍以下三个喺欧美都非常火红嘅“实力派”品牌，全部都属于价格亲民、效果显著、口碑好，绝对不可不知。

1）FARMACY

FARMACY风靡全美，亚洲区内嘅讨论度都相当热烈，更被网民封为“断货王”，皆因FARMACY嘅皇牌产品已经卖到常年断货，可谓“一货难求”。FARMACY系来自美国嘅全天然有机品牌，于2014年成立，品牌主打“全线产品100%全天然”。而有趣嘅系品牌创办人正正系一名农民，拥有自家农场、自家工厂。所以佢对产品采用嘅材料都特别执著，全部原材料都源自于自家农场，真正无人工防腐剂、香精色素、矿物油及其它乱七八糟的添加物，对皮肤无害，即使系敏感肌及孕妇都啱用。

✨FARMACY 皇牌产品✨

① Honey Potion Renewing Antioxidant Hydration Mask 蜂蜜面膜

卖到经常大断货嘅产品就系FARMACY嘅蜂蜜面膜，含有氨基酸、蜂王酱、蜂蜜及紫锥菊GreenEnvy™（FARMACY独家专利植物，有效抗氧化、阻止皮肤老化、增加皮肤光泽）。而呢款面膜集保湿、修复、焕颜三大功效于一身，质地及味道与蜂蜜相似，上脸后需要轻轻用手指按摩发热，然后会慢慢乳化成乳白色奶油状。敷完十五分钟后会立即见到肤色变得均匀明亮，皮肤变得嫩嫩滑滑，熬夜后急救之选！

② Green Clean Makeup Meltaway Cleansing Balm 卸妆膏

第二款“断货王”产品就系Green Clean卸妆膏，呢款卸妆膏来头唔细，曾于2017年获得全美最具权威性美妆媒体《Allure》嘅美妆大赏，亦被网民誉为“EVE LOM 卸妆膏”嘅平价代替版。事关Green Clean卸妆膏都俱备护肤功能，内里蕴含木瓜提取物以及紫锥菊，有强大嘅抗氧化功效，卸妆同时可以温和地去角质，洗走多余油脂。虽然系较温和嘅卸妆膏，但清洁力都相当稳妥，乳化过程非常快，只要按摩几吓就瞬间乳化，令卸妆过程更快更方便。清洗完后脸部都唔会干燥又紧绷，干性或油性肌肤都适用。

2）First Aid Beauty （FAB）

First Aid Beauty （FAB）同样来自美国，创办人自小就受敏感肌困扰，从而激发到佢后来自立门户，创立真正敏感肌、湿疹人士都适用嘅天然亲肤品牌。所有产品都系“三无”— 无人造香料、色素、酒精，一律经过临床试验，获得皮肤科专家认可，简直系敏感肌们嘅救星，急救法宝。

✨First Aid Beauty （FAB）皇牌产品✨

① First Aid Beauty Ultra Repair Cream 强效修复面霜 HK$262.5

若果你都属于敏感肌，必定体会过经历皮肤过敏时嘅沮丧感及无力感，任何护肤品都唔敢搽上脸，怕会刺激皮肤，继而恶化。而FAB嘅皇牌产品—强效修复面霜，全球平均每20秒就售出一件，于2016年更荣获美国《Allure》美妆大赏，人气极高。

强效修复面霜成份天然，富含受FDA认证的高浓度燕麦胶、桉树及乳木果油，特别适合皮肤极度干燥、甩皮、痕痒时使用，修复力及保湿力极佳，可以迅速为干燥不堪嘅肌肤深层保湿，回复健康状态。面霜质地丰富绵密，易推开，搽上脸后保湿但不黏笠，强烈推荐敏肌感、湿疹肌及沙漠大干肌姊妹务必入手一件放喺屋企看门口。价钱都系相当良心价，大大一罐有足足170g，但都只需HK$262.5，真系搽多啲都唔怕心痛。😝

3）The Ordinary

The Ordinary称得上系护肤界嘅一股清流，由前年开始已经越嚟越多人认识，唔少学生同小资女都大爱呢个品牌，关键就胜在价格超级平价、效果却惊人地显著、护肤品选择极多元化，几乎任何肤质人士都可以揾到适合佢嘅产品。

The Ordinary系来自加拿大嘅平价护肤品品牌，专攻“功能性护肤产品”，主打高浓度有效成分，成份简单直接，直接到每样产品都系以成份名称命名，每件产品嘅主打成份都清晰可见。而最有趣嘅地方在于每位消费者都可以根据自己嘅肤质、肤况、需求去选择护肤品，DIY搭配出唔同护肤组合，以达到最适合自己嘅效果。

✨The Ordinary 皇牌产品✨

① The Ordinary " Buffet " Multi-Technology Peptide Serum HK$131

The Ordinary嘅产品多不胜数，若果想要亲自搭配护肤品组合都需要些少花时间做吓功课。如果你懒得慢慢拣，不妨直接入手Buffet！Buffet主打全方位抗衰老、修复，有Estée Lauder Advanced Night Repair平价替代版之称。

想必大家都试过熬完夜后，第二朝皮肤立即变得暗淡无光、肤色不均匀、肤质干燥又粗糙。如果长期使用Buffet就唔使再怕，事关Buffet拥有多种肽复合物，同埋11种对皮肤友好嘅氨基酸，重点对抗老化问题，持续使用后会发现皮肤异常光滑、细纹减淡、毛孔收细。

以上三大品牌都可以喺英国大型护肤品网站“Lookfantastic”买得到，价钱实惠。咁以后想买欧美护肤品就唔使左扑右扑揾代购，仲要挨贵价噜😍！

🔻优惠码详情（按图放大）🔻

提提你❗❗ 𠵱家无论消费几多钱，只要喺埋单时输入优惠码【FRESH】，即可享有82折😍！如果购物满HK$650就可以升级至8折！

🔻香港地区送货服务详情（按图放大）🔻

买任何产品(不限金额)都可以享有免运费嘅一般送货服务，需时5-10个工作日。
但凡购买满HK$600就可以缩减送货时间至4-9个工作日！

(产品资料以官方最新发布为准，价钱最后更新至2020/01/09)