整理四款韩妹们2019年最爱眼影盘！CP值极高全部唔过$200！必收！
韩国被网民誉为“美妆天堂”，每次去韩国都必需要狠狠扫货，无论系化妆品抑或护肤品嘅选择都琳琅满目，买到爆晒箧都唔舍得停手。点解？原因好简单，咪就系好多韩国品牌喺香港都买唔到啰😭 虽则出一转旺角西洋菜南街就已经揾到几间韩国化妆品店，不过好多真正喺韩国大热嘅品牌，或者系韩妹们真正爱用嘅品牌都尚末进驻香港。其实，想买韩妆都唔系一定要飞韩国㗎！最近就畀小编喺网上揾到一个大型购物平台，一个网站就可以买齐韩国时下最Hit嘅彩妆品，韩妆并唔系净系得3CE、etudehouse、innisfree㗎，一齐睇睇仲有咩性价比高、人气高、颜值高嘅产品值得入手喇！
“YesStyle”购物网站囊括来自日韩台嘅时装、彩妆品及生活百货，可以买到嘅韩国彩妆品实在数之不尽。今次就同大家集中回顾一下2019年必买嘅四大眼影盘，全部价钱都唔超过HK$200，啱晒一众学生哥、小资女、化妆新手！
🔻 Peach C - Soft Mood Eyeshadow Palette - 2 Colors HK$ 154.71🔻
Peach C系韩国人气Blogger “Haneul하늘”于2018年成立嘅自创品牌，不足两年嘅时间已经迅速喺韩国弹起，深受韩妹们喜爱。而呢款Soft Mood Eyeshadow Palette可以话系Peach C嘅代表作，一盘总共有9只颜色，乍看之下同3CE嘅9色眼影盘都有几分相似，不过价钱上就有明显落差，Peach C足足平价一半有多，除番开每一格眼影都只系$18！
Peach C Soft Mood Eyeshadow Palette总共有两个色号，分别系#Soft Brown及#Soft Coral。#Soft Brown系2019年秋冬先推出嘅新色，一盘齐集matte，shimmer及glitter三种唔同质地嘅眼影，可以轻易打造出有渐层感嘅眼妆。全盘色选都系大地棕色系，唔挑肤色以及眼型，而且颜色实用又百搭，属于一年四季都啱搽嘅颜色！
#Soft Coral走甜美青春路线，全盘颜色都系较粉嫩嘅珊瑚蜜桃色，比较适合春夏天。粉质细腻唔飞粉，上眼颜色清透自然，并无想像中浮夸，日常使用都无问题，新手都可以轻易驾驭。
🔻MISSHA - Color Filter Shadow Palette #9 Rose Prism HK$ 150.01🔻
MISSHA相信大家都唔陌生，继2015年全线结业之后，𠵱家都只剩下几间概念店同专柜。虽然都可以系香港揾到佢嘅分店，但若果想要买韩国最新推出嘅化妆品都系要等好一段时间。
新鲜滚热辣！MISSHA Color Filter Shadow Palette就系2019年12月推出嘅新品！一盘有齐眼影加胭脂，眼影总共有7个颜色，主要系粉色、玫瑰色以及大地色，包含雾面、珠光、亮片三种质地；而胭脂都有两种唔同颜色畀你选择，唔使再另外揾胭脂去配衬番𠮶眼妆。若果你经常要四围飞，只需要带呢一个彩妆盘就可以化出多款妆容，超级方便。
🔻MISSHA - Color Filter Shadow Palette (Line Friends Edition)🔻
#06 Cony HK$ 165.56 / #05 Brown HK$ 197.91
小编见到呢盒眼影立即心心眼再加尖叫😍！若果你都系Line Friends嘅小Fans，拜托必需要入手呢一盘！首先，包装已经超级可爱，外盒上印有Cony同Brown嘅大头公仔，打开里面就会发现每一格眼影都系💗💗形状。小编实在好佩服韩国品牌，每次联乘彩妆品嘅包装外表都系诚意满满，每一个小细节都唔会放过。
呢盘都系齐集眼影同埋胭脂，总共有8只眼影色，另外再有2只胭脂色。总共有两个色号，分别系#05 Brown以及#06 Cony。#05 Brown主色调系非常经典嘅大地棕色；#06 Cony主调系比较少女温柔嘅樱花粉色。
🔻ROMAND - Better Than Eyes Music Series - 3 Colors HK$ 89.91🔻
小编已经唔系第一次介绍ROMAND呢个品牌，事关佢所有嘅化妆品都做得非常出色，不论系气垫、眼影、胭脂、唇膏全部性价比都极高，质量可以媲美专柜产品。
而呢款Better Than Eyes Music Series都系2019年初秋推出嘅新品，推出短短时间已经红遍韩国，唔少韩妹Youtuber都有拍片推荐过㗎！总共有三个色号，而当中最特别，小编最推荐嘅色号就系#DRY BUCKWHEAT FLOWER，颜色主要系冷色调嘅灰棕色，同Tom Ford #cocoa mirage四色眼影盘非常相似。虽则颜色肉眼望上去好似有啲普遍，但搽上眼后效果惊艳，带有消眼肿嘅视觉效果，适合眼睛容易浮肿又冇深邃眼窝嘅亚洲人，就连单眼皮姊妹都可以搽出迷蒙深邃感眼妆！
(产品资料以官方最新发布为准，价钱最后更新至2020/01/02)