老兰攻略| $150内高质PartyDress!尽情释放荷尔蒙 穿上战衣来舞动

眨吓眼，2019年就快完结，2020年即将来临！除夕夜，大家都计划好去边度倒数庆祝末呢？每逢大时大节，唔少人都会选择去“兰桂坊”庆祝一番，事关兰桂坊齐集唔同特色嘅酒吧同CLUB，无论你系想小斟两杯chill一chill，抑或系跳入舞池里面“动池动池”，一条小小嘅街道，总会揾到你要嘅店铺。

“兰桂坊”又有“人间妖惑”之称，其热闹程度简直可以媲美“新年行年宵市场”嘅情况。街上面人头涌涌，若果想要系人群入面突出小小，当晚嘅衣着打扮就绝不能睇小，分分钟脱唔脱到单就靠呢招😂不过，脱单都是后话，女孩子难得节日出街庆祝一吓，当然会悉心打扮一番喇。今个除夕夜，若果你尚未准备好当晚战衣，立即睇睇以下6件Party Dress推荐！

平时甚少去兰桂坊玩嘅姊妹，若要投资太多金钱系一件战衣上，倒不如悭番啲钱入手多啲日常都可以着嘅服饰。因此，小编就喺ZALORA网站上面精挑细选咗 7 件性价比超高嘅Party Dress，最平一件竟然连HK$60都唔使！全部款式都唔会过份浮夸，难以驾驭。唔单止可以着去“蒲”，即使应付婚宴、Grad Din、Cocktail Party等其它正式场合都一样挥洒自如。

咁到底Party Dress应该点挑选？点着先可以成为全场焦点？小编立即嚟同大家划重点❗❗

选择一： 抢眼颜色

想要喺夜场灯光昏暗嘅环境里面突出自己，选择颜色鲜艳嘅服装就可以令人一眼就留意到你。喺彩色嘅镁光灯照耀之下，伴随住你不断舞动嘅姿态，绝对抢晒镜。即使唔跳舞，只系企喺度都彷如自带Spotlight一样。而大红色、墨绿色、宝蓝色、萤光色都系能够引人注目嘅颜色。小Tips：身上切忌有过多种颜色，例如红+绿+紫等，假若太过色彩缤纷，容易会弄巧反拙。

Something Borrowed Sweetheart Neck Bodycon Dress 现售 HK$ 59.9

Something Borrowed Evening Button Down Fitted Lace Dress 现售 HK$ 125.9

选择二：小露性感

选择全黑或全白嘅Party Dress其实都系安全之选。不过想要更抢眼的话，就要使出小小心机，小露一下香肩或背部，更添女人味。切记，小露系性感，太暴露就会令人反感。太短嘅短裙或者大Deep V款式都要小心，万一跳舞时一high起来就好容易走光。

ZALORA BASICS 露肩索绳裙 现售 HK$ 51.9

Something Borrowed Evening Cut Out High Neck Swing Dress 现售 HK$ 92.88

Something Borrowed 桃心领交叉背喇叭连身晚装裙 现售 HK$ 74.9

选择三：细节位藏心机

Something Borrowed 闪片吊带连身短裤 现售HK$95.9

Something Borrowed Evening Button Down Fitted Lace Dress 现售 HK$ 125.9

想要望上去感觉更显高贵，可以从details位入手，例如闪烁珠片、蕾丝、丝质布料。只要喺细节位上多花心思，都可以成功引起别人注意。不过选择呢啲质料时需要额外小心，一不留神就分分钟一秒变“大妈”。

姊妹们，快啲抓紧时间准备好除夕夜战衣！尽情释放你嘅荷尔蒙，进入舞池“动池动池动”！💃🏻💃🏻💃🏻

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈 

👉按此进入Telegram优惠码发放区👈