【韩国枫起了】枫叶不止日本有! 2019韩国3大赏枫一日游路线推荐!
九月尾踏入初秋，又系时候嚟一场走就走嘅秋游！讲到秋天景色，不得不提嘅必定系满山满地嘅红叶美景，如果大家有去外地睇红叶嘅打算，除咗可以去最为人熟悉嘅日本之外，都可以考虑去近年大热嘅韩国近郊，枫叶以外，仲可以睇到金黄色一片嘅银杏森林！
小编今次为你介绍 3 条韩国赏叶路线，其中仲有韩剧鬼怪嘅拍摄地！
路线一：内藏山国立公园、千年古刹内藏寺一日游 HKD $438 起
内藏山系韩国 8 大美景之一，因为山内有山嘅壮丽景景色，因而称之为“内藏”，同时因为占地范围大，所以游客唔需要行到上山顶，只要喺山脚位置已经可以睇到由几百棵枫树组成嘅红叶秋景！想打卡打得再特别啲，必定要去埋有“丹枫秘境”之称嘅枫叶隧道、道德瀑布同金仙瀑布，同时感受埋被连绵不断嘅枫树屏风包围嘅震撼感！ 一日游亦会去埋千年古刹内藏寺，以及品尝当地传统料理全州韩牛套餐，欣赏到自然景色嘅同时又睇到韩国古色古香同地道嘅一面，就算一家大细，有老有嫰嚟玩都唔惊闷亲！
路线二：雪岳山赏枫＋登山缆车一日游 HKD $414起
韩国有句说话叫做“北雪岳，南内藏”，同内藏山齐名嘅雪岳山同样系当地人观赏红叶嘅热门地点，由于地势较高而平均温度较低，所以雪岳山亦系全韩国枫叶最先染红嘅地方。嚟赏枫嘅朋友可以选择以步行嘅方式，睇红叶同时睇埋极之壮观嘅飞龙瀑布，又或者可乘搭登山览车，咁就可以一次过饱览哂成个枫叶山林嘅全貌，居高临下望住红红黄黄嘅枫树同银杏树，简直系景不醉人人自醉！
路线三：【鬼怪拍摄场景】五台山国立公园、月精寺赏枫一日游 HKD$396 起
位于江原道平昌郡嘅五台山国立公园系韩国最茂密嘅山林，亦系韩国赏红叶嘅名山之一！每年十月中旬，成个山头一片火红火红，真系靓到哗一声！大家可以沿住步道慢慢上山赏枫，或者前往月精寺，以及韩剧鬼怪嘅拍摄地沙松林，沿路除红叶以外亦都有小桥流水嘅景色， 身处喺咁如诗如画嘅美景，简直好似变身韩剧主角一样，绝对谋杀大家唔少菲林。
五台山、内藏山同雪岳山都距离首尔大约三至四个小时嘅车程，话近唔近，话远亦唔算太远，嚟个一日游行程都搞得掂，KKday 嘅行程除咗乘搭专车往返嘅时间，其余时候大家都可以自由活动睇红叶，够哂方便同弹性！
(产品资料以官方最新发布为准)
想知道更多即时优惠资讯，立即加入我哋嘅Telegram Group啦！
👉按此加入优惠码发放区👈