【旅行不求人】新加坡五大必去景点推荐 适合自由行新手游
旅行形式五花八门，但讲到最多人钟意嘅相信都系无拘无束嘅自由行，唔单止可以规划一个完全符合自己期望的行程，仲可以嚟一次有别其他人嘅深度旅游！如果你已经厌倦咗千篇一律嘅跟团游，打算尝试自由行但又无从入手，不如就先拣一个合适嘅出游地，小编今次就推荐你一个最适合自由行新手嘅旅游地 —— 新加坡。
新加坡热门景点集中，而且交通好方便，语言上又同香港人相通，对新手嚟讲系十分容易上手，想知新加坡有咩嘢好玩，就继续睇埋落去啦！
必去景点一：新加坡环球影城
嚟到新加坡旅行，最最最唔可以错过嘅必定就系全亚洲第二大嘅新加坡环球影城，其中某啲机动游戏同角色更加系得新加坡先有架咋！钟意刺激嘅朋友一定要试试呢个世界最高嘅“太空堡垒双轨过山车”同埋以古埃及做主题嘅“木乃伊复仇过山车”。唔够胆玩机动游戏或者系带住一家大细嘅朋友都唔使愁，园区入面亦都有寻宝奇兵、侏罗纪河流探险、天幕飞行、恐龙骑士等等造景逼真，又啱哂大人细路嘅游乐设施。小编提提你，千祈唔好唔记得揾史力加、迷你兵同荒失失奇兵等嘅角色影番啲可爱嘅相留个念。
必去景点二：新加坡夜间动物园
如果夜晚无地方去，但又唔想随便行行逛逛就结束一日，不如考虑下去新加坡嘅夜间动物园。大家可以坐住游园车，喺冇围栏嘅环境下，近距离咁观察夜行动物嘅行踪，而且由于微弱灯光，呢啲匿埋喺黑暗中嘅动物随时一个唔觉意就喺你身边现身，刺激感十足！除咗搭游园车之外，大家仲可以以步行嘅形式去睇各种可爱的动物，系新加坡非常值得去嘅景点之一！
必去景点三：新加坡滨海湾花园＋OCBC 空中走廊
各位喺石屎森林生活嘅香港人，相信平时都冇乜机会可以睇到植物，咁嘅话嚟滨海湾花园就啱哂喇！呢度有嚟自世界各地，包括地中海、高原、亚热带气候嘅稀有植物同树种，玻璃屋配搭埋瀑布水景同花，真系好似置身喺仙境入面，钟意打卡嘅人绝对可以影番够本！不得不提嘅仲有多棵 25-50 公尺高嘅超级树，同入夜之后上演嘅超级树灯光 show，建议大家可以拣黄昏的时候嚟，咁就可以同时欣赏到花园嘅日景同夜景。
必去景点四：新加坡科学馆、IMAX穹顶电影院、贴近蝴蝶生态园
新加坡系唔少亲子旅行嘅出游地，如果带住小朋友，咁就可以嚟个科学馆、IMAX穹顶电影院、蝴蝶生态园嘅三合一放电行程。科学馆拥有超过 1000 个互动嘅装置同独立展览，好玩程度不只净系啱小朋友，大人都可以补一补自己嘅科学知识。动手做完科学实验，跟住就可以去附近嘅IMAX穹顶电影院，喺高达 5 层楼嘅全天域屏幕睇一场超逼真嘅太空show，同去室内蝴蝶生态园近距睇蝴蝶，系一个无论好天定落雨都啱用嘅行程。
必去景点五：星耀樟宜顶楼星空花园
旅程嚟到最尾，千祈唔好急急脚赶住走，记得要抽啲时间去埋位于樟宜机场顶楼嘅星空花园，花园2019年先开幕，但大家都已经对呢个景点赞口不绝。独特嘅穹顶玻璃屋顶、以斜坡式设计嘅“森林谷Forest Valley”、世界最高室内瀑布“雨漩涡Rain Vortex”、加埋入夜后梦幻炫目嘅声光show，绝对系大家打卡嘅热门地点！睇完靓景同表演，有时间仲可以玩埋经过特别设计嘅长滑梯、迷宫同步行网等等，或者行下手信区，为你嘅新加坡之旅划上完美句号！
旅程中嘅时间分秒必争，如果想悭番排队买飞嘅时间，就可以预先去 kkday 购买入场门票。
𠵱家 HK01 会员同 kkday 新会员都可以享有新加坡行程优惠，只需要输入优惠码“SENTOSA”，买满$1000即有9折！
(产品资料以最新官方发布为准)