清迈清莱一日游 参观蓝白黑庙、走访神秘金三角、体验长颈族文化
每逢假期节日，泰国一直都系好多香港人必去嘅热门旅游圣地。除咗曼谷以外，清迈亦系许多旅客钟意去嘅城市之一。清迈同曼谷截然不同，清迈悠闲宁静、文艺气息浓厚，周围都系历史悠久嘅古迹佛寺、大自然景色，令人不期然地放慢脚步，好好感受旅行嘅意义～
但系一谂到去旅行又要计划行程又要安排交通，想必大家都觉得好苦恼好头痕！今次，小编就为大家挑选咗【清迈清莱一日游套票】，套票已经帮大家计划好行程、安排好交通、膳食！全程由泰国籍专业导游以中英文导览，带你深入探访清迈清莱，想知道行程有几丰富？快啲睇埋落去啦～
【清迈清莱一日游】经典蓝白黑庙、金三角、泰北长颈族部落、帕瑶游湖、清迈夜市
景点一：Wiang Pa Pao温泉
由于清迈去清莱车程需时大约三个钟，所以导游接齐团友后第一站会先到Wiang Pa Pao温泉稍作休息，游客可以体验用天然温泉水泡脚，一边泡脚嘅同时仲可以一边享用温泉蛋。
景点二：白庙
白庙系清莱必去嘅景点，白庙嘅外观不同于泰国传统金碧辉煌嘅寺庙，白庙以纯白为底，镜面玻璃镶边，雕工华丽细腻，现场睇简直令人震撼。
景点三：蓝庙
蓝庙嘅规模同人气虽然唔及白庙大，但都系属于清莱必去嘅景点之一！蓝庙用鲜艳饱和嘅蓝紫色为主色调建而成，整个庙宇由外墙甚至到室内嘅墙壁都系蓝色，十分值得一去！
按下来嘅行程会因应你选择嘅套票而有所不同，大家可以按自己嘅喜好去选择最啱你嘅行程～
周星期二、四、六出发：
景点四：帕瑶湖
帕瑶湖系泰北最大嘅湖泊，游客可以优哉悠哉咁搭住小船欣赏湖光山色。
景点五：清迈夜市
清迈的夜市亦不比曼谷少，而其中规模最大而且唯一一个全年无休嘅夜市就系清迈夜市。
参观完清莱唔同特色庙宇、天然景色，最后一站当然要去夜市填饱肚肚、购物血拼啦～
周一、三、五、日出发：
景点四：黑庙
如果你系选择咗逢周一、三、五、日出发嘅一日游团，接下来嘅景点会去参观黑庙。黑庙虽然叫庙，但其实并唔系一座庙宇，而系一座以地狱与死亡为主题嘅博物馆。馆内收藏咗好多来自世界各地嘅动物骸骨、标本等艺术展品，唔少游客都慕名而来。
景点五：长颈族部落
长颈族系泰北其中一支少数民族，亦系最为人熟悉嘅少数民族。此地居民除咗长颈族之外，仲有大耳族以及阿卡族。长颈族嘅女孩子从小就要开始戴上金色颈环，金色颈环代表著美丽，颈环越多、颈部越长就越美丽。行程中可以参访当地居民的传统生活方式，仲可以购买佢地亲手制作嘅饰品及手工布。
景点六：金三角、大佛、游湄公河
金三角系泰北新兴嘅旅游胜地，接下来嘅行程会带你走访神秘金三角地带，参观曾经盛产罂粟嘅制作地，坐住摇船游览金三角地区湄公河景色，体验水乡文化。
景点七：清迈夜市
最后一站都系会返去清迈夜市，品尝当地地道小食，填饱肚肚之后就行街血拼啦！
温馨小提示：提提大家逢星期二、四、六同逢星期一、三、五、日出发嘅行程系唔一样㗎，预订时记得睇清楚日子啊！
【独家优惠】使用优惠码【HK01SEA】东南亚行程买满HKD1000，即减HKD100，仲唔快啲约埋朋友去玩。
只限KKday新会员，泰国自组团二人同行，全单8折：【HK01SUMMER】
(以上产品资料以官方最新发布为准)