《美食敢死队》零热量零卡路里小食？五大牌子素毛肚大比拼！
唔知大家有冇听过素毛肚𠵱样小零食呢？素毛肚其实系由魔芋做，基本上系零热量、低卡路里，非常适合减肥人士食用！而最近小编亦发现素毛肚喺网上嘅讨论度十分高，甚至有大量网民都赞口不绝！今次小编就为大家淘咗五款唔同牌子嘅素毛肚，一齐睇睇究竟系边一款嘅素毛肚最好食呢？
1. 金磨坊 ¥9.9起
金磨坊总共有三种不同口味嘅素毛肚，分别有香辣味、山椒味和老坛酸菜味。小编认为老坛酸菜味系三款口味中最入味最好吃的一款，一打开包装已经闻到阵阵香喷喷的酸菜味。望真啲又真系有酸菜喺入面㗎! 而且口感上亦比较脆和弹牙，十分有嚼劲。平时喜欢北上吃酸菜鱼的朋友非常值得一试！而香辣味和山椒味相对上就没有酸菜味惊喜，如果食唔惯山椒味的朋友可能会不能接受山椒的味道。
2. 良品铺子 ¥19.9
良品铺子虽然只有一种香辣口味，但毛肚嘅口感却系五款当中最弹牙最爽口。而且辣度适中，不会过份辣，食完觉得好过瘾和开胃，令人忍唔住食完一包又一包，根本停唔落嚟。幸好素毛肚属于低卡路里的小食，食多都唔怕有罪恶感。而且每一小包素毛肚的份量都比其他牌子的较多，唔怕唔够食啦～
3. 好味屋 ¥15.9起
好味屋系五款牌子入面最辣嘅牌子，初初食头几啖嘅时候都未感受到辣度，但当你食多几啖，𠮶股辣嘅后劲喺会涌出来，而且舌头仲会开始麻痹！真的以为自己在吃紧重庆火锅内的毛肚! 山椒味相对上比重庆火锅味无咁辣，如果你自问系好食得辣嘅人，就一定要挑战啦！
4. 辣魔王 领券价¥14.9起
辣魔王同样都有三种口味，而当中的麻辣味系三款口味中最辣最惹味，虽然比较下麻辣味是最辣，但辣度却十分适中，不会呛喉。香辣味则不够辣，导致食落口时会食得出油味，欠缺香味，多吃两包可能仲会觉得油腻。最后，烧烤味系小编最觉得意想不到的味道！如果你系食唔到辣的话，推荐必试烧烤味。食落口就好似食紧洒满孜然粉的串烧啊！小编谂起都流哂口水啊～
5. 百草味 领券价¥8.9
百草味虽然在淘宝上都属于知名度大的零食店铺，但素毛肚系口感同味道上却较其它牌子逊色。口感上似啫喱，欠缺嚼劲。味道上亦只有淡淡的辣油味，似乎未够入味。
如果未食过素毛肚又兴趣试试嘅朋友，推荐必试良品铺子同金磨坊嘅老坛酸菜味～ 怕辣嘅朋友可以试试入门级嘅辣魔王烧烤味。
温馨小提示：由于每包素毛肚都有辣油等调味料浸住，大家打开包装袋时记得要小心，唔好弹到辣油落件衫啊～
(产品资料以最新官方发布为准)
(文章纯属作者个人意见，不代表香港01立场。)