一对一教晓你用淘宝 以后买嘢唔走宝

成日见到身边朋友都用淘宝，入手各种优惠产品，“双十一”“双十二”见过又未参与过？今日就等小编一对一，教你点样淘宝啦！

【电脑版】

1. CLICK入去淘宝网页，你会见到“免费注册”CLICK落去

2. 去到“设置用户名”填上手机号码，取得验证码。

3. 跟住就可以填写番“密码”、“电邮”同“登录名称”

*记得密码资料要保密，唔好乱咁透露俾其他人知啊！

4. 见到𠵱个“注册成功”画面就代表成功注册！

5. 跟住就可以去“我的淘宝”，拣“收货地址”填写将会收货嘅地址，填完记得“保存”！

6. 开心去SHOPPING啦！ 

7. 记得留意下每间铺头嘅优惠，系购物车到拎埋！决定落单个时拣番自己心水嘅产品，然后“结算”！

8. 再睇多次自己决定要买嘅产品，以及收货地址系咪正确，然后“提交订单”！额外提提你如果选购多件货品可以考虑使用淘宝官方集运嫁！

9. 现时香港可以选择4种方法去付款，包括支付宝，八达通，信用卡同ＰＰＳ，每种付款方式嘅收费都有唔同，你可以按照需要去选择适合自己嘅付款方式！

10. 成功付款就会转跳到另一画面，咁就成功淘宝啦！

11. 如果担心件货唔知去咗边到就可以去“我的淘宝”，“待收货”入面“查看物流”CHECK番件货去到边到啦！

【手机版】

手机版嘅使用方法都喺大同小异，小编都一对一咁话你知可以点做啦！

1. 下载“淘宝app”，选择“我的淘宝”注册番一个帐户，如果已经申请咗就可以直接LOGIN

2. 如果使用淘宝APP作申请帐户，记得喺右上角“齿轮图样”去设置番“淘宝简称”同“地区设置”，唔好忘记喺“帐户与安全”设置登入密码！

3. 同样地可以去SHOPPING啦！

4. 喺“购物车”剔选要购买嘅物品，然后“结算”！

5. 确认多次订单，然后“付款”，留意番手机版只可以使用支付宝进行付款！

6. 同样成功畀钱之后就可以喺“我的淘宝”上嘅“待收货”睇番物流进度！

电脑版同手机版嘅淘宝，可以方便你唔同时间都可以网上购物，跟足以上步骤立即去淘一淘宝啦！