【社区小小事】港产超人为守护童真而战　最怕家长踢爆系人扮

港产英雄完成一场表演，谢幕下台，从后台出来的，是一班年轻的成员。他们都是义工团体“假面制造”的成员，以往扮日本超人来氹小朋友开心，今日自己创作了港产超人－守武者梦翔，服务对象一样是小朋友。“其实喺香港嘅日本特摄英雄，接触对象都系小朋友，所以用返呢个形象去服务小朋友。”成员Jin解释着。
摄影：梁鹏威

经过了7年义工服务的洗礼，“假面制造”的成员创造出两位港产超人，名字改作梦翔和勇进，名字隐隐透露出他们对这两个英雄的期望。

梦翔与勇进

他们从过往的义工经验中，发现香港小朋友少了欢乐，而成年人也爱将自己的价值观加诸在小朋友身上。故此，他希望原创的英雄作品可鼓励小孩有勇气追寻梦想，“趁未畀社会个大气氛影响，我哋希望尽量将正面嘅讯息，灌输畀佢哋。”阿jin说。

3岁定80，指的或不只性格，Jin相信这句话也指影响一生的信念：“我哋今日未必记得，以前睇过嘅作品内有咩人物，但作品中传递嘅信念、例如唔好放弃，其实系好细个嘅时候已经建立。”

从“假面制造”，到现在的守武者梦翔，即使比起一般的义工服务要花更多心力，但他们仍坚持以英雄形象现身于小朋友面前。“如果你话要开心、我谂纯粹揾一个受过专业训练嘅小丑扭下波搞气氛，开心嘅程度唔会比我哋输蚀。但我哋嘅话剧，系肩负起传达正面讯息呢个意义，而呢样嘢其他角色做唔到。”采访当日，商场表演当天的剧目，正是教导小朋友莫贪心、要与人分享的道理。

家长无心“三字经”撕破幻想

英雄的一句说话，对小朋友有意想不到的威力，正因如此，舞台表演往往是重头戏。不过，作为表演者，他们最怕不是“dead air”，而是家长无心一句：“唔使惊！台上面呢啲系‘人扮㗎！’”

“成日听到㗎，‘头盔有扣嘅’、‘有拉链嘅’，听到真系有啲唔开心。”努力被践踏固然不开心，但更难过的是，因为这样一句无心快语，或会为小朋友带来意想不到的影响。“会令佢对呢啲表演set咗program：扮嘅、假嘅，全部嘢都假嘅时候，已经扼杀咗佢嘅想像空间。”Jin说。

面对这种情况，即使是英雄也束手无策。“因为台上面嘅表演者冇可能出声话‘我系真㗎！’，要靠helper同小朋友讲：‘真㗎，你帮佢哋打气啦’，或者用一啲方法引开佢哋注意力，唔好专注喺有冇拉链、有冇头盔扣。”Jin说。

幼稚又如何？

以英雄造型在台上表演，引来途人奇异目光，暗指他们幼稚。对此Jin倒是不介意：“守武者梦翔呢个作品，系打正旗号畀小朋友睇。”

每当自己的兴趣被指是“小朋友嘢”，不少成年的特摄迷会忿忿不平，反驳那不是幼稚，“佢哋传递好多讯息”，但他们认为，“幼稚”和“传递讯息”其实不对立，更不明白为何美式超级英雄未有遭受同样“待遇”：“点解会觉得呢类作品型？香港有啲女仔见到甚至会心心眼，但就睇低特摄英雄呢？”另一位成员阿花说道。

不过，幼稚又如何？英雄们并没有介怀。“我哋个服务对象已经系小朋友，所以唔会介意幼唔幼稚、会唔会冇深度。”阿花续道：“无谓扭曲一个作品本身设定嘅对象。系小朋友嘅，认咗佢啦，我觉得OK嘅。”