女生最不满意的身体部位：眼居然只排第十 第一位平日有注意吗？
大家都追求完美，不过最紧要都系唔好盲目跟风，要学识欣赏自己先得呀！女人不嬲爱靓唔爱命，大部份女仔都贪靓，除咗着靓衫靓鞋之外，希望将自己每一个身体部位都做到最佳状态见人，都系好重要嘅一个环节，今日DailyView就用互联网大数据带大家睇吓十大女士最在意嘅身体部位，你平时有冇留意呢？
女生通常最不满意自己哪个身体部位？按图查看网络最多人讨论的前10名▼▼▼
10. 我见犹怜桃花“眼”（371笔）
眼睛被称为灵魂之窗，曾经有美国嘅网络媒体做过街访，访问路人见到陌生人第一个部位会望边，超过九成人都话系眼睛。以前大家都觉得要双眼皮，又圆又大嘅眼先至系靓，不过其实慢慢大家都已经对靓女嘅定义都已经好唔同，特别系一啲单眼皮嘅女明星都好有个人特色，一样系好多人心目中嘅女神。
9. 靓女必备高挺女神“鼻”（533笔）
麦玲玲都唱过：“鼻头好有肉，内心就无毒。”面相学嚟讲，鼻系好重要嘅一环，鼻头有肉代表富贵，但大部份嘅人都希望拥有一个又高又尖嘅欧美靓鼻。为咗改善个鼻，唔少女士都会去微整形，透过打针、埋线等等，务求达到最完美嘅效果，不过每个人嘅面形五官比例都唔同，千祈唔好盲目跟随明星嘅五官摆落自己块面呀。
8. 唔开美肌都有完美“皮肤”（759笔）
打开Instagram见到个个明星嘅皮肤都好似剥壳鸡蛋咁样又白又滑，真系羡慕死人呀。要拥有靓嘅皮肤除咗天生丽质之外，平时嘅保养亦都好紧要，做好防晒，挑选适合自己嘅护肤品，而唔系随便跟风买。虽然大部份嘅女仔都好重视美白，不过其实健康肤色一样都可以好靓，大家都唔需要太过强求啦！
【相关文章．按图率先预览】性格分析｜发线看出你的隐藏性格 有美人尖的人好难顶？▼▼
7. 尖到拮亲人“下巴”（794笔）
当修图软件发展得越嚟越成熟，已经唔可以相信网上“照骗”，因为好多时候美颜效果都开得十分夸张。平时一班人自拍，好少人自愿企喺最前面揸机，女仔最怕面大，大家都想有尖下巴、V面，呢样野除咗靠后制修图之外，打针喺下巴都已经好普及，亦有好多女明星都有去整骨，所以话呢女仔为咗靓真系乜都做得出㗎。
6. 孔雀开屏“眼睫毛”（1691笔）
想拥有好似公仔一样，又长又浓密嘅眼睫毛，以前就话要靠黐假眼睫毛姐，而家唔少人都直接去植眼睫毛，除咗唔需要每日拉扯眼皮，怕搞到个眼皮都松晒之外，即眼睫毛亦都方便得多，效果亦都更加自然。幻想吓，每朝一瞓醒一照镜，就见到自己拥有浓密卷翘嘅睫毛，就算唔化妆个人都精神好多，拥有一对迷人的电眼话咁易！
5. 挑战人体极限细“腰”（1978笔）
女仔日日都话要减肥，追求S型曲线，水蛇腰就系好多女士嘅梦想啦。韩风时装好多衫都系露腰短版，无返咁上下自信都着唔到出街！睇到咁多韩国女团成员都拥有又幼又有肌肉嘅靓腰，真系羡慕又妒忌。Coffee林芊妤喺YouTube教瘦身嘅片段，最高点击嘅都系练腰嘅片，就知道大家对于苦练蚂蚁腰嘅决心有几大啦！
4. 逆天大“长腿”（4232笔）
有人话“夏天，为大地带来美腿”，其实点只夏天，唔少贪靓女士一年四季都会著短裙、短裤，咁又系呀，有本钱怕咩show㖞，几多度都未惊过，最怕就系着出嚟唔够靓！女士们都希望拥有一对名模长腿，除咗脚要够长，腿形都好讲究㗎！好多女仔都咬紧牙关勤力做Gym，就系希望可以练出一对瘦长直嘅筷子脚。
【相关文章．按图率先预览】光滑美腿靠4个日常习惯养成：坐姿决定腿部粗幼、浸浴都可瘦腿？▼▼
3. 胸怀大志“事业线”（4968笔）
好多媒体成日会将女性胸部形容为事业线，追求S型身材嘅女仔，当然都好在意自己胸部大小同胸型。有人话减肥第一个瘦嘅位置就系瘦胸先，虽然都有人会选择隆胸改善外在美，但坊间可以睇到好多健胸操，透过拉伸同按摩动作疏通淋巴同锻炼胸部肌肉，开刀呢啲有风险嘅事就要三思而后行啦。
2. 化妆新手最大难题“眉毛” （5588笔）
成日话人好眉好貌，一对好眉对外表真系可以有好大影响㗎。眉毛产品推陈出新，由最基本嘅眉粉、眉笔，到之前引起过话题嘅眉毛印章，可以话系为咗一对靓眉出尽办法。画得好可以改变五官比例，画得衰就坏咗成个妆，对于手残嘅人来讲，要画得对称真系唔容易。所以好多人都会选择并永伴永久化妆亦即系纹眉雾眉，方便、悭时间之余亦都无需要再为眉毛烦恼呀嘛。
1. 唔可以放过嘅小细节“指甲” （8053笔）
好多女仔细个嘅时候都有玩过指甲贴纸，可想而知指甲绝对系女仔由细到大都好在乎嘅地方。传统嘅指甲油要等成个几钟头先干，其实都几浪费时间，所以而家大部份女仔都会去整Gel甲，快靓正吖嘛！唔好睇小指甲一个咁细嘅地方，女仔都钟意影相，无论系show食物定化妆品，手都会成日上镜，有靓嘅指甲绝对可以为画面加唔少分！而且指甲造型都会令成个人嘅outfit更完整！衬好成套再post返个#ootd，掂晒！
【相关文章．按图率先预览】12星座女生性感的部位：得一个星座以胸部取胜、膝头脚尖都上榜？▼▼
分析说明：
本研究资料由《KEYPO大数据关键引擎》提供，分析时间范围为2018年06月04日至2020年06月02日，共两年。
系统观测上万个网站频道，包括新闻频道、Facebook、PTT及各大讨论区、部落格等，针对讨论‘前女友类型’相关文本进行分析，并根据网友就该议题之讨论，作为本分析依据。
本文所调查之结果，非参考投票、民调、互联网问卷等资料，名次仅代表互联网讨论声量大小，不代表网友正负评价。
延伸阅读：
年轻人不讲武德、耗子尾汁是什么梗？原来出自“被一拳KO”的马保国
怎么了你累了、说好的幸福呢？“疑婚时代”感情出现裂痕的十大征兆
【本文由“DailyView互联网温度计”授权转载，研究资料由“KEYPO大数据关键引擎”提供。】