《12日》专访｜邓丽欣自言拒绝闪婚 “女人好攰太叻太蠢都唔得”
23年前由林爱华执导的《12夜》成为爱情片的经典，今次林爱华再为《12夜》编导续集《12日》，找来邓丽欣（Stephy）及马志威主演，讲到两人由拍拖到结婚，十年之间两人感情和关系的变化。早前Stephy接受《香港01》访问，都有跟大家分享现时自己的爱情观。
《12日》中发生的爱情故事包含12个阶段，整个跨度好大，横跨足10年，由年青甜蜜拍拖讲到两人婚后的生活，Stephy表示：“我会形容呢个女仔好愿意为自己钟意嘅人去付出好多，同时间想有同样收获，将所有嘢都好理想化，最终当佢得唔到时，就会陷入自己嘅漩涡入面过得好辛苦。”
问到作为女性去看这段关系会否觉得特别心酸时，她坦言：“好多人都会问点解会陷入咁样一个漩涡？其实你冇办法唔陷入去，除非你放弃唔要婚姻唔要爱情。我都会谂点解要制造男人、女人同爱情呢件事，但永远爱情之中就系会出现呢类问题，又会伤心、流泪、令大家好辛苦。虽然好现实，但相信每个人都会经历过。”
婚姻随缘就好 时晨未到唔会强求
38岁的Stephy经历过两段大众略知一二的恋情，问及她会否仍然憧憬婚姻时，她笑言：“呢刻我唔会用憧憬嚟形容，当你经历愈多就会觉得婚姻只系生活入面其中一样嘢，睇你需唔需要、选唔选择，又或者时晨未到唔去谂住，我个性比较随缘，唔单止系爱情上，仲有好多嘢都系，尤其系愈大就会发现谂都冇用，随缘就好，未到嘅话强求都冇用。”
《金都》朱栢康 vs 《12日》马志威
虽然现实中的Stephy唔急结婚，不过提供快问快答二选一时，仍然可以睇到Stephy的择偶条件！当问到要在《12日》老公马志威以及《金都》的大细路朱栢康中拣一位时，她即时笑言：“好难拣㖞，真系要拣啊？咁我零愿拣今次呢个喇！起码只系我唔理解佢嘅好，但佢对我一心一意，唔系出轨同贪玩，佢只系唔识爱我，我咪调节自己心理啰。知道佢系爱我不过唔识表达，我可以训练自己仲补救到。但如果《金都》嘅小朋友，就好似日日凑仔、氹佢、知埋佢谂咩就会好攰。”
相信不少女性都听过“男人无论几多岁都要氹”，问到Stephy认唔认同这句说话时，她直言：“我认同男人无论几多岁都系个小朋友，但就唔系个个都需要氹嘅，佢可以自己自娱㗎嘛。”
Stephy个性下的感情世界
《12日》讲述一段关系经历了10年，问到Stephy这10年来有甚么大改变，她表示：“10年系一个阶段，会有唔同经历，我惯咗好多嘢都要Step by step，就算自己成长方面都系慢慢嚟，唔会突然发生啲事而成个人改变咗。呢个同我天生个性好有关系，所有嘢都要好清晰知道点去一步步去行。（冇机会闪婚？）我性格唔系冲动派，自己都唔任性，比较乖巧，真系要逐步去行，所以闪婚唔会发生喺自己身上。”
女人好攰太叻唔得，太蠢又唔得
戏中有不少男女之间相处的模式，叫Stephy拣一幕最夭中她心扉时，相信部分女性都会有共呜。她笑指：“有part讲我哋出去玩，个女仔好迁就男朋友，连叻过佢都要收收埋埋。我自己觉得好有共鸣，因为我比较坚强同强势，就会觉得女人真系要学识点样收放自如，男人真系需要自尊心，其实女人好攰，要学识好多嘢，太叻又唔得、太蠢又唔得，系一个非常之高嘅学问。”
点击睇更多Stephy靓相：