《12日》邓丽欣自爆有大尺度演出 马志威︰夫妇都会做嘅事情
撰文： 沈洛嘉
出版：更新：
由伍健雄监制、林爱华执导，邓丽欣（Stephy）、马志威主演的《12日》讲述一对夫妇在婚姻之中高低起跌之事。
邓丽欣接受《香港01》访问时表示：“自己收到《12日》嘅剧本其实好期待，听到林爱华导演20年后再拍延续都开心，我自己都好钟意《12夜》，翻睇过好多次，每次睇都有唔同感觉，细个睇嘅一部电影，自己今次能够拍返续集觉得系件好开心嘅事。”
而马志威则回应：“其实两个系唔同嘅故事，以前《12夜》系讲个爱情故事，今次《12日》系一个婚姻嘅故事，同埋我每次睇剧本，睇到临尾都喊，我真系好有感觉。今次可以同Stephy合作，都系我儿时梦想之一，收到通知𠮶阵︰‘哗！Stephy！做呀！’咁样啰，（记︰剧本都唔睇喇？片酬都唔要喇？）系啊。”
+2
据知饰演夫妇的两人在戏中都有亲热戏，Stephy：“都几大尺度嘅，对我嚟讲，喺电影上嘅演绎系第一次咁大尺度，个尺度系讲紧个意识，但系我又想呢部戏可以呈现一个好真实嘅夫妻关系，咁呢样又系好合理好正常，想畀大家见到呢一part。”及后马志威更补充：“呢啲都只系男同女、普通情侣同埋夫妇都会做嘅事情，只不过搬咗上大银幕咁咋嘛。”