林峰独自留港迎42岁生日　靠视像见囡囡︰佢学识讲“嗲哋叻叻”

电影《九龙城寨．围城》今早（30/11）进行开镜活动，出席演员包括有古天乐、洪金宝、任贤齐、林峰、刘俊谦、黄德斌、胡子彤、伍允龙、张文杰等人，当中林峰自2019年的《P风暴》后就未有作品，今次回港再度跟古天乐携手合作，要跟太太张韾月和囡囡暂别。

电影改编自同名漫画，先问到有冇留意过漫画版，任贤齐回应：“我当然有，《古惑仔》、《龙虎门》、《风云》，九龙城寨是我当时一来香港就想去看的地方，但那时已经拆了，传说它是个很奇妙的地方，三不管的地方，又像贫民窟，有很多人在这里用自己的方式求生存，所以它有自己的游戏规则，所以蛮精彩的。”

再讲到戏中跟谁最多对手戏时，两人直言其实大家都好多，任贤齐：“我觉得今次林峰最辛苦，佢付出好多，要知道林峰系个种风流倜傥嘅公子哥儿，见到佢个阵‘咁man嘅！黑黑实实’训练个阵就好似见到个武打明星咁，咁劲嘅！不过我演长辈嘛，我哋全部人都要打佢，都好期待佢嘅表现，真系耳目一新。”

林峰笑言：“我由头到尾都要俾人打，今次武指度咗好多好多动作俾我哋，事前又拍低晒好多片俾我哋听，我哋都‘哗！真系咁啊？’所以都要多啲时间去训练，其实都准备咗一个多月时间去训练，希望到时可以拍返出嚟。”

而面对今次庞大嘅演员阵容，林峰：“首先好多谢古仔，系佢俾机会我哋挑战下自己，一套以武打为主嘅电影，对我哋嚟讲绝对系个挑战，拍完大家应该都算半个动作演员。”

即将迎来42岁生日的林峰表示今年冇办法同屋企人庆祝：“我都有同小齐讲，呢个真系演员嘅痛苦，因为分隔两地，我太太同囡囡都喺内地，每一日最大嘅动力就系同屋企、小朋友打个电话，第二日继续（拍）打（戏）。（老婆同囡囡有冇叫你要小心啲？）有，囡囡啱啱学识‘嗲哋叻叻’（同时举起拇指）咁样。”