洪金宝为李小龙遗作《死亡游戏》连踩15日通顶︰每日队6支力保健

第四十三届香港国际电影节的焦点影人，影坛大哥大洪金宝今日（30日）出席在香港文化中心举行的“香港名家讲座”，分享自己多年来拍戏、做导演等经历，大哥大见到特意前来支持的粉丝都十分高兴，更有为他们签名、合照留念。
摄影：叶志明

“李小龙遗作，我一定要拍好佢”

大部份大哥的经典作品，他都有一一跟大家分享当中鲜为人知的秘闻，包括有《鬼打鬼》、《人吓人》、《龙少爷》、《大醉侠》、《侠女》、《死亡游戏》、《A计划》和《特攻爷爷》等等，讲到拍《死亡游戏》时，大哥分享：“是外国导演做武指，佢用佢哋嘅方法去拍，一个后wide shot再用一个medium shot，我就同佢讲咁样拍唔得，但佢同返我讲‘Don't worry! We always like that.’之后拍晒睇片又同我讲唔得，要由头到尾再拍过，刚好𠮶阵就圣诞，又要赶住出，李小龙又过身，我一定要拍好佢，系对电影嘅一种热爱，𠮶15日无瞓过，靠力保健帮我，一到场就饮6支，一拍就拍到天光，拍完剪片，剪完又拍，拍完个下我对眼好似生眼挑针咁！”

更多大哥洪金宝的作品：

其实大哥热爱电影，肯舍身为电影付出的行径经常出现，讲到拍摄《龙少爷》时，他指当年先在午夜场上映，“抢包山”一幕放在结尾的反应一般，于是他即时返嘉禾改拍，马上开工，拍了2至3日赶在正片上映前更新版本，将“抢包山”一幕放在片头，他笑说：“你知啦，当时成龙迷睇完会再睇，佢哋见到新版后‘吓？一嚟就抢包山？我无迟到㖞！’反应非常搞笑。”

洪金宝痛心功夫片难吸引年轻人︰唔通叫人练完功第日卖叉烧包呀？

听到观众一句“阴功啰”会好冧！

而当讲到《鬼打鬼》时，大哥大爆料：“当年有人话‘呢部戏X街㗎！等死啦！’点知上咗之后得咗，𠮶个人即刻话‘我都话你得㗎啦！’”全场观众随即大笑！大哥大其后补充，希望拍电影的人有诚意，而他自己也是抱着“对得住观众”出发，以前他的戏上映时，会特意入场睇反应，听到观众一句“阴功啰...”或者笑声都会觉得好冧！

最后大哥表示自己收到剧本多数都会先分析，又讲笑话签了合约就会尽量满足导演的要求，否则要赔钱，套戏X街不关自己事，蚀钱是别人的事。不过大哥补充：“拍戏最紧要做好自己岗位，我唔会凌驾喺导演之上，佢有自己想法，导演系套戏嘅灵魂，就好似王家卫咁，我拍个阵佢喺我隔离一粒声都无出，剪埋条片俾佢之后，最终出嚟嘅画面系同原先拍嘅完全唔一样，但佢一样有佢嘅效果。”