梅艳芳古天乐自言拍摄喊不停 林家栋赞梅姐极力提携后辈
撰文： 沈洛嘉
出版：更新：
香港天后梅艳芳传记电影《梅艳芳》今日（9/11）举行首映暨音乐会，有份演出苏生的林家栋和Eddie的古天乐一同接受传媒访问。
古天乐表示：“套戏其实拍咗好耐，终于都上，第一次睇见到呈现返7、80年代嘅香港，个感觉系好神奇，有时同啲朋友倾，而家2000年后系唔知咩系荔园、先施、妙丽，佢哋去做资料搜集时都几有趣，佢哋都话好难揾到个场，终于团队克服晒所有困难，呈现返当时。”
及后问到睇戏时会否好感触，古天乐：“有呀，我细个都有去荔园、先施、妙丽、利舞台，都有谂返起，不过而家真系变得好快。”而问到对梅姐的印象时，他直言：“梅姐我就冇同佢合作过，都系见过一、两次面，喺我印象之中佢系一个唔会放弃嘅人，同埋佢好肯去提携后辈，加上拍摄时代入当中已忍不住喊，就如拍《夕阳之歌》要将梅姐送上舞台都要忍着情绪。”
点击睇音乐会现场
+6
而问到林家栋当年跟梅姐合作时，是否经常叫他讲笑话，他笑言：“记得当时拍《爱君如梦》，成日都喺到讲笑，佢就话‘喂，讲啲嘢嚟听下啦，笑下啦’我就话好，当时我又啱啱出嚟，我好尴尬，其实我系佢fans，细个听佢唱歌，买晒佢啲唱片，突然有个梅艳芳喺我面前㖞，又一齐拍戏，感觉好奇怪但系记忆犹新，佢真系好肯提点新人，又会提点下我。同埋一位前辈成功嘅毅力同努力都喺到影响紧我哋，亦都系等于香港人精神，不停求变。”