PTGF出租女友｜邓月平未遇不明饭局感失败 “有魅力先会俾人约”
由新导演郑峰岚编导；ToNick主唱赵善恒（恒仔）、邓月平、张建声、岑珈其、郭奕芯等人主演的话题性爱情片《#PTGF出租女友》，电影改篇自真人真事网络小说，今日（22/9）正式上映，较早前导演郑峰岚、恒仔和邓月平接受《香港01》访问，分享了不少当中的趣笑及辛酸。
导演望大家畀多啲意见
其实导演郑峰岚一向都有拍开影片，不过今次是首次执导长篇电影。今次担任导演、编剧以及剪接三职，的确毫不容易，自知一定有所不足，希望观众见谅，多多留言，好让自己汲取经验。此外导演亦想借《#PTGF出租女友》帮一众PTGF平反。“佢哋唔系妓女！”同样因为要准备拍摄关系，他都有特意约见真人真事的事主，尽可能吸收有用资讯，加入戏中以丰富画面和背景。
对此恒仔大赞导演非常勤力，直言：“就连平时放饭导演都系拎住饭盒，一路食一路继续执剧本，大家继续一齐度到最好。”导演则反赞恒仔：“我最多谢恒仔帮我丰富晒家俊（戏中角色）的内心世界，系一啲我都冇谂到嘅位置，佢哋俾到好多惊喜我。”
有冇玩过交友apps？
问及今次在拍摄前有何特别准备，有否试过特意下载交友apps来视察这个圈子，恒仔先回应：“我自己就冇嘅，但就有听过有朋友透过交友apps认识到另一半，有人仲结埋婚好sweet添！”导演笑指：“我有呀！因为为咗今次套戏，就入咗一啲Telegram群组，同啲PTGF倾下偈，睇下佢哋个心态，就系做下功课咁。”
有场戏似《喜剧之王》流鼻涕咁
戏中恒仔和邓月平有很多对手戏，两人笑言大家都有很多不同的想法且有火花，时常都会提出意见，导演对此表示非常满意！提及最深刻的场口时，恒仔笑言：“我哋有张戏喺床到，我揽住佢（邓月平）喊，喊到收唔到声！”邓月平补充：“系呀！佢喊到滴眼泪滴咗入我只眼入面，又喊咗好耐，佢好有情绪，导演又唔嗌cut，呢幕就好似《喜剧之王》嘅鼻涕咁，佢有鼻涕，我哋有眼泪做经典场面。”
恒仔惊咗女性卫生巾
事实上除了眼泪之外，戏中还有一场邓月平要用女性卫生巾帮恒仔止血，问到当下恒仔有否好抗拒时，邓月平回应：“其实一开始我有感觉到佢有抗拒同唔想，好似有啲惊咁。”恒仔补充：“我记得个日我哋已经开咗好多个钟工，拍埋呢场就收工，但个人已经好攰，剧本本身度嘅对白好似唔系拍出嚟咁，但当下有啲自然反应出咗嚟，直接答咗唔系怕痛，而系拍呢个（女性卫生巾）。”
邓月平为拍戏增肥 吓怕追求者
最后问到邓月平有冇试过被约去“不明饭局”时，她笑言：“我真系觉得自己好失败，我真系未试过有人咁样约，通常都系有魅力个啲先会俾人约，但冇人约我…”而去年初邓月平就因为拍摄陈果的《堕胎师》增肥40磅，问到自己肥了身边的人有否变得好现实，少了人靠近自己，她笑言：“的确系咁，就连当时追紧自己嘅人都即时放弃！因为当时就连平时出街都要拎住支拐杖，着衫都系好普通个啲，真系自己都顶唔顺。”
点击睇更多：