#PTGF出租女友｜娜美首演戏被赞劲开心　直言接戏后IG粉丝暴升

有份演出话题性港产片《#PTGF出租女友》的KOL娜美（秦楚滢）今晚（21/9）出席首映，原来今次是好首次拍戏，相信有睇戏的观众都会为此而惊讶。

娜美表示：“今次第一次拍，自己本身唔系读电影，又冇做演员经验，其实戏中有好多情感方面嘅戏需要去处理，自己都有做功课，好似喊戏咁，特登上网睇下有咩方法，谂唔开心嘅嘢或者等对眼干晒等等，不过我最终都系将自己投入晒喺角色入面。”

其实在娜美接受访问前，赵善恒（恒仔）大赞娜美在名店买袋一幕演得相当之好，娜美笑言：“角色同自己性格本身似，已经系最大嘅帮助，自己都好畀心机去揣摩角色，当时一接到角色我写咗好多关于呢个人物嘅故事，由自己去丰富个人物。”

娜美在戏中都有床戏、亲热镜头，她回应：“一开始都有少少担心，当然导演都好好，俾好多空间我哋去沟通。”

作为KOL的娜美表示接戏后，IG追踪人数暴升，她直言非常开心，接下来会想继续增值自己，做KOL已经9年，希望想有跃进的空间，去展现另一个自己，都知道可以演戏的机会好难得，尝试努力转型。