《妈妈的神奇小子》票房破2200万　吴君如︰享受观众对呢部戏嘅爱

热血动人港产片《妈妈的神奇小子》改编自前残奥金牌得主苏桦伟的真人真事，由吴君如监制及主演，尹志文编剧及执导，电影由8月12日上映至今，票房已破2200万，剧组演员跑匀全港九新界谢票，身体力行感谢观众入场支持。

吴君如今午（9/9）在个人Instagram上分开一条谢票特辑，更写下“第五周 Set Go，好似越来越多人去睇《妈妈的神奇小子》，都系要多谢团队嘅落力，跑匀全港谢票，特登走去同观众交流。唔好比佢停，继续突击谢票，surprise你哋，票房冲破2200万，一直向前冲！”

后来，君如再更新自己IG，再一次抒发对于谢票的想法，好感激大家的支持才可以有机会继续去跑继续去谢票。

“对以前嘅吴君如嚟讲，跑咁多间戏院谢票，系一个黐线嘅行为。

今次上映前一个月，我哋去咗好多优先场。跟住到上映后，差唔多日日都入戏院，喺戏院跑嘅过程畀咗我一个好神奇嘅感觉。我从来未试过同观众咁接近。

好多朋友问我点解要咁样跑法？我嘅答案系，部戏观众钟意，有人睇，你先有得跑啫。我愈跑愈觉得好难得有部戏，畀到机会我哋跑，又值得我哋咁跑。谢票对我嚟讲唔系一份工作，唔系宣传，而系我真系享受紧观众对呢部戏嘅爱，亦都同观众互相交流。观众见到我快乐，我见到观众仲快乐。

好多后生仔叫我苏妈，但系佢哋其实可能唔知我系边个，我好开心可以喺戏院入面重新介绍我自己。我系演员吴君如。

今日第五周，我希望呢部戏个终点远啲，等我可以继续跑落去，一路谢票谢落去，永远记住呢条神奇之路。”

点击睇更多：