妈妈的神奇小子｜吴君如爆剧本被拒10年　古天乐出手撮合终成事

热血港产片《妈妈的神奇小子》改编自残奥径赛金牌得主苏桦伟的传记，由尹志文编导；吴君如、监制及主演，同戏更有梁仲恒、张继聪、冯皓扬、卢海鹏、钟雪莹、林家熙（Locker）等人主演，电影票房已冲破1000万，口碑极好。

监制兼主演的吴君如今日（25/8）在IG出post，讲到当年拍《金鸡》时已跟导演尹志文相识，他更是初入行担任《金鸡》的第二副导演，大赞他为人尽责。吴君如忆述：“拍戏现场地方很细，迫满很多嫖客同很多鸡，当然系茄喱啡。佢好有火，不停小来小去，控制现场大局。做哂我想做嘅嘢。讲哂我想讲嘅粗口。”事实上尹志文除了担任第二副导演外，更有份客串《金鸡》，吴君如都有上传当年经典一幕。

然后吴君如都讲到时隔多年，得知不少行内人提及尹志文著手搞苏桦伟的剧本已经很多年，在各大公司兜兜转转都未能开拍，终于在大前年由古天乐出面揾吴君如睇下有无兴趣，当她看完第一稿剧本便约了导演倾，一倾更倾足一年。吴君如：“因为我觉得个故事最好睇同最感动我嘅系苏妈同伟仔嘅关系。感动我嘅唔只系伟仔嘅毅力，而系做伟仔嘅妈妈需要更大嘅毅力。其实体育、田径、比赛、输赢、金牌都系其次。母子关系先系呢部戏嘅核心，我每次见到苏妈都好感动，我好佩服佢，觉得佢好伟大。我不停在想如果我系佢，我会唔会做到佢咁？其实尹志文导演都有无比毅力，佢搞左呢个戏十年，死咬住唔放，中间经历好多老板嘅拒绝。同我倾剧本，我都好跷口掺手，但系佢都一一挨过来，我第一次见到苏妈，连佢都话拍出嚟边有人睇㗎。”

导演尹志文接受《香港01》访问时表示10年来都冇放弃拍《妈妈的神奇小子》是因为深信苏桦伟同苏妈这个故事，两人永不放弃的精神可以俾到一份力量给香港观众，同时俾到力量我继续做落去，有时感到气馁或者觉得电影未必可以拍得成时，就会谂返佢两母子从不放弃的精神，又有甚么可以怕。

及后提起电影票房现时已冲破1000万，他：“去到而家得到好好嘅成绩，其实我一直冇想像过，我只系想一步一步做到呢件事、做好呢件事。我从来冇想像过电影会有任何成绩，只系一心想将呢个感人励志嘅故事带俾观众，希望观众睇完电影得到一份力量，继续同身边人向前冲，同埋会可以更加关注香港嘅运动员。今年东京奥运会，香港运动员得到好好嘅成绩，所有香港人都好热衷好鼓舞，但我最希望嘅系大家嘅关注、热情并唔系四年一次，而系年年月月，就好似香港所有嘅运动员对运动嘅付出一样，系每一日都咁艰辛而充满热血。”

最后吴君如更提及《妈妈的神奇小子》煞科宴当晚，尹志文饮了好多酒，见人就喊，做了一晚“醉街”导演。现时看到电影有如此好的成绩，吴君如自言自己就好似苏妈望住个仔一样，Jimmy（尹志文）你都系神奇小子。