妈妈的神奇小子｜吴君如剑击装贺过800万︰要揾阿女同学帮手借
撰文： 沈洛嘉
出版：更新：
热血励志电影《妈妈的神奇小子》今日（20/8）在荃湾进行谢票，导演尹志文、主演吴君如、梁仲恒、林家熙（Locker）都有现身答谢观众鼎力支持。
《妈妈的神奇小子》自上映以来口碑极好，现时票房已直逼800万，4位更为了谢票特意安排着上剑击装束现身，Locker表示自己昨晚才知道有特别打扮，吴君如为此表示：“其实好辛苦揾呢套衫，因为有好多层，有条片教我哋着都好难，运动员都好劲，首先要孭起呢件衫代表港队，都难集中再比赛，苦练多年又系今年第一金，所以率先拣佢嚟致敬。再加上头盔真系好重，我仲试咗睇下点戴个头盔，个妆系甩晒。嚟紧决定每星期都会有唔同装扮，着埋乒乓波、羽毛球、空手道等衣著。”
当问到会否以泳衣上阵时，吴君如率先答会，示意Locker已经应承了她，Locker回应：“如果票房有1200万就会着泳衣嘅装束，专业𠮶种，唔系晒太阳𠮶啲。”讲起服装，其实今次剑击打扮的装束都不容易寻找，吴君如表示：“揾得好辛苦，真系搭上搭，揾咗个女个同学个阿妈，跟住揾了一个港队朋友先借到套衫。”
+1
此外票房报捷君如都表示心情兴奋：“票房好代表有观众愿意入场睇戏，我哋当然开心，最兴奋系电影口碑好，而且前几日知道电影攞咗外国影展嘅最佳电影，真系好兴奋，我喺屋企听到开心到喺梳化跳起身，尖叫咗5秒。（嚟紧喺奖项上会唔会都有信心？）其实我连呢个奖报咗名都唔知，唔知原来电影公司帮我报名，突然就收到消息，吓？真系特别惊喜。现时唔谂奖项住，而家关注嚟紧嘅残奥同埋为全世界嘅运动员打气。”