廖启智逝世︱郭富城难忘拍档专业演出：睇到新闻后呆咗五分钟

第45届香港国际电影节周四（1日）假香港文化中心举行开幕典礼，连续三年担任电影节大使的郭富城（Aaron）现身支持，加上《七人乐队》的台前幕后班底，场面星光熠熠。郭富城谈起今年新冠疫情稍为减退，电影节能如期举办实属不易：“能够企喺呢个舞台、再度宣传国际电影节对于我嚟讲好开心。希望大家继续注意自己嘅健康，可以入返戏院睇戏已经唔容易，作为戏迷要争取机会，我都呼吁大家一齐入戏院睇戏。”
摄：叶志明、陈顺祯

由翁子光执导，郭富城、梁朝伟主演的《风再起时》原定为电影节开幕电影之一，不过却在播映前两天宣布因技术问题取消两场放映，郭富城除了否认与题材敏感有关，亦为暂未能上映大呼可惜：“我自己有份演出嘅《风再起时》其实当时都系待定，据我所知因为技术上嘅问题稍为延误，希望稍后可以喺戏院睇到《风再起时》；但系唔紧要我冇私心，一定要同大家极力推介开幕电影《七人乐队》，由七位好优秀、好资深嘅导演合力拍摄，诉说香港唔同年代嘅情怀。”

谈起深受后辈喜爱、对港产片贡献极大的廖启智近日因胃癌离世，享年66岁，与智叔合作多部作品的郭富城写下对他的不舍：“智叔，一位真心热爱演戏的好演员！一位非常非常专业的演出对手！一位谦谦君子！永远怀念！”今日他再度提起收到噩耗时的心情：“我睇到新闻之后呆咗五分钟，讲唔出嘅难过，我哋有好多合作，佢系一个长辈又似系一个朋友、完全冇架子、对人好和善、最主要系佢好敬业乐业。”

郭富城忆起智叔的专业精神，智叔在《无双》中饰演一名伪钞集团成员、电版专家：“大家喺《无双》见到智叔嘅演出非常优秀，我哋第一日对戏嘅时候，智叔拎咗张自画嘅素描出嚟，佢问我靓唔靓，我答佢好靓，于是我再问佢系咪一直都有画所以咁靓，但智叔话系因为呢套电影先开始画。我讲出嚟系想话畀大家听智叔点样钻研一个角色、𠮶种深入同态度，令热爱电影嘅朋友知道电影圈损失咗一位好优秀嘅演员。”