铿锵说｜杜琪峰电影藏政治隐喻？ 无惧再拍警匪片：香港人好聪明
香港著名电影导演杜琪峰（杜Sir）拍过逾50部电影，更凭《鎗火》、《PTU》、《黑社会》三度夺得香港金像奖最佳导演，周五（12日）受苏玉华所邀担任港台节目《铿锵说》嘉宾，本集以“登‘峰’造极”为题，从1996年创立银河映像说起，他认为电影不应该追求票房成绩，而是对一般人带来的影响。
近日萧若元及游学修就“香港电影已死”的议题讨论得如火如荼，甚至在业界掀起话题，杜Sir在节目中亦有呼应此命题：“20年前我已经听过香港电影死咗，𠮶位先生咁讲佢都唔识咩系电影，佢识揾食但唔识电影；佢靠电影揾食但唔系做电影，所以做电影嘅年轻人千祈唔好听，呢句说话系废话！讲个啲人根本唔了解电影，佢自己冇得捞，以为人哋都冇得捞。”他续言：“我唔钟意啲人讲以前有巨星，冇人话你听将会出现个周润发、周星驰，一切都在混沌之中碰撞出模样，有信念的话，即使达成唔到，至少都对自己有交代。”
至于创作自由收窄，杜琪峰表示没有因此感到惧怕，他坦言无形的界线必然会出现：“你唔使谂，佢实会出现，一铺比一铺令你觉得更大挑战，我哋呢种创作人正一‘橡皮虱乸’，揿极都唔死！创作系好灵活，问题在于个内容系咪自己真正想讲。我哋做创作、做电影，唔需要挑战任何嘢，我鼓励小朋友一定要继续做落去，只有你唔做先系投降。”
谈起年轻人近年觉得前路茫茫、没有希望，问起贵为大导演的杜Sir是否理解年轻人的心情：“我谂大部份香港人都理解、唔只系我，我觉得喺咁样嘅时代里面更加考验韧力，我讲电影圈年轻一代有嘅系时间、年轻嘅冲动，可以做时代赋予嘅任务。”
点击图辑睇杜Sir讲自己的事业低潮：
苏玉华在节目中提到，杜Sir曾说过自己小时候的学业成绩平平，17岁就不再升学，如果当年没有加入电视台，或者成为一个贪污的警察，她问他是否真的这样想？杜Sir笑言自己未做过警察所以不清楚，不过他重申：“喺心底里面我觉得做犯法嘅嘢迟早都要还，我相信日后会话畀大家听对错。”
至于接下来还会否拍警匪片，杜Sir便指可以换个角度：“从矛盾性较低嘅题材去谂，例如今天拍警匪片《神探》，同警察冇关系，唔系根据警察形象去创作，就唔会直接触碰到大家抗拒嘅位置，只要肯去谂就一定揾到可行嘅路，尤其是香港人好聪明，冇必要去硬碰。”
杜琪峰要重拍《PTU》都唔拣杨明 “冇睇无线成廿年唔知佢咩样”
至于观众皆认为杜Sir的电影有不少的政治隐喻，例如2003年的《黑社会》被指关于选举，他就指自己没有刻意去写：“所有创作都系源自生活同社会，例如03年嘅大游行要求落实普选，呢个就系社会嘅声音；去到拍《黑社会》又衰，黑社会字头又有得选，其实两者一啲关系都冇，但社会气候会将两件事连埋一齐，时代畀我呢种感觉我就写成咁，我冇刻意㗎，冇𠮶啲诉求就唔会出现呢个议题。”
点击图辑睇杜Sir寄语香港人：
杜Sir的电影不时以宿命作命题，他表示自己的宿命就是从办公室助理变成导演，而香港的宿命，他就表示：“香港永远要令自己成为好另类嘅地方，佢就永恒；如果将寄入框架就不幸，仲有一息尚存都应该充满希望，积极面对未来，尤其是鲜浪潮出身呢一代30岁咋嘛，我40岁先成立银河映像，邵逸夫成立邵氏都系50岁。”最后，杜Sir选择了将自己执导的《柔道龙虎榜》送予现时的香港人：“当时沙士袭港，同而家差唔多，大家绝望到不得了，但我觉呢刻遇到嘅问题一定会过去，柔道最重要系企番起身，跌低企番身咪得，不停去战斗。”