杜琪峰要重拍《PTU》都唔拣杨明 “冇睇无线成廿年唔知佢咩样”
昨晚香港电台播出新一集《铿锵说》，以登“峰”造极为题，由苏玉华访问大导演杜琪峰（杜Sir），大谈他这些年的电影人生、对于一众年轻人想加入导演行列的冀望、以至于“香港电影业”已死，他都一一有所发表，直言自己是“橡皮虱乸”即揿极唔死，又寄语做电影嘅年轻人一定要做落去，要聪明地做，唔做即等于投降。
杜琪峰在访问开初时，笑言对自己的名字感到满意、不错，没有太大要求自己要做些甚么，不似“国强”一样，要令国家强大是很难的事，觉得自己名字温驯，不过笑言：“当然我个人唔系啦。”
杜琪峰拍戏不单只注重票房
对于票房，杜琪峰似乎不如外界般一样极力重视。“票房高，高完就会有第个高过你，成日都会有呢啲咁嘅嘢，会变成好商业嘅计算，你问我而家点样做部贺岁片收钱嘅，我可以即刻计到俾你睇，我唔系讲笑，出年拍一部收钱嘅贺岁片好容易，但𠮶个唔系我再行嘅路嚟，应该要俾某啲人去做。亦好似我当年讲就算唔系杜琪峰拍《审死官》、《阿郎的故事》都会大收，第个做都得，但有啲嘢第个做唔得㖞，系要𠮶个人做先得，呢种追求唔系睇你收几钱，睇完之后对电影人或一般人嘅影响有几大。”
《重拍PTU》杨明、王喜点样拣？
访问中段提到2003年由杜琪峰执导、任达华、邵美琪、林雪和黄卓玲等人有份主演的《PTU》，问到如果今时今日重拍《PTU》，杜琪峰要在杨明和王喜当中二选一会的话会怎样拣呢？杜琪峰：“我唔识佢（杨明），未见过佢个样，都唔知咩样，因为我冇睇无线成廿年。王喜呢我就知道佢系边个，至少咁嘅年纪，我觉得佢都仲可以做到PTU，再老啲就唔得架喇。”
另一边厢苏玉华拣了杨明，但原来背后有特别原因：“我唔系谂住揾佢做警察，或者唔系做PTU，我系谂住揾佢做机舖打机𠮶个小混混，我觉得佢应该几入形入格。”
开拍女性电影，张竹君、郑若骅又点拣？
至于再问到如果要拍一套女性电影，在张竹君和郑若骅当中又会拣谁呢？杜琪峰：“大部分人都会想拍B（郑若骅）嘅，我为咗平衡返唯有拣A（张竹君）啦，A嘅原因系我哋需要多啲正能量，几怀缅返以前嘅香港官员啰，佢有𠮶个特质。”苏玉华继续跟杜琪峰有不同意见：“讲真两个都唔系素人，成日都见，不过你要我拣我就拣郑若骅啦，因为我觉得佢形象比较百变，我谂有场戏应该系会拍佢去打疫苗。”
同场加映︰铿锵说｜杜琪峰讽某人拍戏只为赚钱 斥“香港电影已死”系废话
杜Sir寄语：