【女皇哥基大冒险】张彦博用狗仔Tone声演三日：觉得自己变咗只狗

今日（17日）动画片《女皇哥基大冒险》举行首映礼，张彦博在当中声演英国皇室中最得宠的哥基历斯，他又分享这是第一次声演电影，十分高兴：“我之前睇人哋配音系手舞足蹈、好大Motion，原来真系需要自己变成𠮶样嘢先演绎到个角色。我今次系演只狗，就真系幻想自己系只狗。其实我都配咗差唔多三日时间，喺三日里面都系用一个狗仔Tone去做，都觉得自己变咗只狗。”

其实配音工作，张彦博一直都想试。“细个时好钟意玩公仔，跟住自己扮声。然后我之前寄咗段声畀电影公司，系一个人分饰四把声，一个后生仔、有个妹、再加爸爸妈妈，砌咗个故事出嚟，导演陈心遥听到觉得几得意，又有啲卡通片元素，就揾咗我去做呢件事。”张彦博又分享自己超级钟意宠物：“其实我有养猫，细个都有养过好几只狗，所以今次睇完剧本做功课嘅时候，谂返起好多以前同只狗嘅回忆。”跟爱犬这些回忆亦帮助他在是次声演上的发挥。

说到第一次参与动画配音，张彦博说：“我觉得好好玩，配音同拍剧其实都有啲相似，因为两者都要入戏，但今次就要用把声去演绎，变咗需要投放嘅情绪多咗。”问到到配音与戏剧两者的比较，张彦博说：“Dramatic啲、声线要放大啲，做戏可能Control比较细微，但配音见唔到样得把声，就要谂好多方法去令观众明白当时嘅感觉，其实同唱歌差唔多。”