【跳跃生命线】雄姐爆红赞助商睇中　张彦博苦等13年终圆个唱梦

张彦博凭无线剧集《跳跃生命线》“雄姐”一角成功俘虏一班视迷，演技大获好评，虽然“雄姐”在剧集中执行职务时不幸殉职，让很多观众始料不及，认为死得唔抵，角色虽然短暂，能引起共鸣最为重要。

不讲不知，原来张彦博入行经已13年，05年与冯嘉辉、伍德耀组成男子组合《赤子乐队》，只维持3年约满后便解散，13年参加艺员训练班后正式加入无线，当中曾参演过《一屋老友记》、《2013快乐男声》电视剧。

苦等13个年头，今年因剧集《跳跃生命线》令人气急升，带契“雄姐”终于赶上尾班车，将在12月9日于九龙湾国际展贸中心star hall举行首个个唱《Good Day · 张彦博演唱会2018》，可以话是死都死得有价值。

张彦博接受香港01访问时说：“好感恩Tvb畀机会我，多谢珍姐（曾励珍）及监制方骏钊畀一个咁好嘅角色我发挥，令到观众认识我，剧集播完之后，有日收到投资方打电话畀我，话有个场地空置咗出嚟，问我够唔够胆开个演唱会？当时我谂咗好几日，因为始终都系一个演唱会，只得三个星期去准备，时间非常紧迫，但在我演艺生涯里面，呢一个系千载难逢嘅机会我唔想浪费咗，所以到最后我决定用尽全力去做呢个演唱会，将我系呢十几年嚟系娱乐圈所经历嘅事变成一个故事，同大家分享我系音乐嘅心路历程。”

38岁的张彦博一直坚守著自己的理想，苦走多少个春与秋，难听的说话也听过，但赤子的心从未动摇，坚信有日终冲破命运困锁，达成自己的梦想走到终点。

彦博感触说：“苦等咗13年，终于可以愿梦，百般滋味在心头，好多时候同朋友食饭，佢哋会话我：‘唔好发梦啦，睇你玩咗咁多年都仲未有起色，𠴱个都上晒岸啦又有车又有楼，睇下你咁多年仲做梗啲乜嘢？’有时候自己都会喺度谂，连食餐饭都会就住就住使，𠴱一刻会反问自己系咪好傻呢，仲挨梗每个月几千蚊人工，但对于我嚟讲都付出咗咁多年，未行到尾我又唔甘心，觉得好对唔住自己，过程虽然是好辛酸，但我都觉得值得，因为好多人未必可以经历到咁多关于自己喜爱嘅工作，好多人想要一啲机会都冇，我觉得我非常之幸运。”